काठमाडौं – नेपाल कम्युनिस्ट पार्टी (नेकपा) प्रचण्ड–नेपाल पक्षका अध्यक्ष माधवकुमार नेपालले प्रधानमन्त्री केपी ओलीले आफूलाई पक्राउ गर्ने योजना बनाएकोबारे रहस्य खोलेका छन् ।

सर्वाेच्च अदालतले ललितानिवास जग्गा प्रकरणमा नेता नेपालविरुद्ध परेको रिटमाथि प्रमाण बुझ्ने आदेश दिएकै दिन आज आईतबार उनले पक्राउ गर्ने योजनाबारे मुख खोलेका हुन् ।

तेह्रथुमको म्याङलुङ बजारमा आईतवार आयोजित विरोध सभामा अध्यक्ष नेपालले नेतृ रामकुमारी झाँक्रीपछि आफू र अध्यक्ष पुष्पकमल दाहाल ‘प्रचण्ड’लाई पक्राउ गर्ने ओलीको योजना रहेपनि सफल हुन नसकेको दाबी गरे ।

अध्यक्ष नेपालले नेता तर्साउन झाँक्रीपछि आफू र प्रचण्डलाई पक्राउ गर्ने योजना भए पनि झाँक्री गिरफ्तार गर्दा उर्लिएको जनसागरले ओली आफैं डराएर पछि हटेको बताएका छन् ।

‘रामकुमारीलाई पहिले समात्ने अनि माधवकुमार नेपाल र प्रचण्डलाई गिरफ्तार गर्ने योजना रहेछ । कस्ता फूर्ती कस्ता घुर्की । तिनले तर्साएर हामी तर्सने मान्छे हौं ?’ उनले सोधे ।

नेता नेपालले ज्ञानेन्द्र जस्ताको सातो लिएको भन्दै केपी ओली कहाँका हुन् भनेर प्रश्न गरेका छन् ।

उनले देशका समग्र समस्याप्रति प्रधानमन्त्री ओलीलाई कुनै चासो र चिन्ता नभएको आरोप समेत बताएका छन् । ‘मुलुकका सारा समस्यामा छलफल गरौं भन्यो सुन्दैनन्, उनलाई एउटै कुराको चिन्ता छ त्यो भनेको प्रधानमन्त्रीमा कसरी टिकिराखौं,’ अध्यक्ष नेपालले भने ।

नेपालले ओलीले मान्छेहरू भोकभोकै पर्दा, कोरोनाले थलिँदा, महिलाहरू बलात्कारमा पर्दा, बन्द उद्योगधन्दाहरू चलाउ भन्दा समेत ओलीले बेवास्ता गर्ने गरेको गुनासो गरेका छन् । 

नेकपा विवादबारे बोल्दै नेपालले भने, ‘जससँग बहुमत हामीसँग छ । यो पार्टी हाम्रो पार्टी हो नेपाल कम्युनिस्ट पार्टी (नेकपा) । केपी ओलीको पार्टी नेपाल कम्युनिस्ट पार्टी (नेकपा) हुन सक्दैन । केपी ओलीलाई रहर नै भए ओली फाउन्डेसन बनाउन सुझाव छ ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध