काठमाडौं – नेपाल कम्युनिस्ट पार्टी (नेकपा) प्रचण्ड–नेपाल पक्षले आज बिहीबार गरेको देशव्यापी आमहड्तालमा बिहानै काठमाडौंको गोंगबुमा ट्याक्सीमाथि आगजनी गरिएको छ ।

बुधबार पत्रकार सम्मेलन गर्दै प्रचण्ड–नेपाल पक्षको केन्द्रीय संघर्ष समितिले बिहीबार देशव्यापी आमहड्तालको घोषणा गरेको थियो ।

आमहड्ताललाई शान्तिपूर्ण बनाउने बताइए पनि बिहीवार बिहानै काठमाडौंको गोंगबुमा कुम्भ नारायण श्रेष्ठको प्रदेश ३–०१ ००२ ज ५८८१ नम्बरको ट्याक्सीमा आगजनी भएको छ ।

महानगरीय प्रहरी परिसर काठमाडौंका एसएसपी अशोक सिंहले २ जना अज्ञात व्यक्तिले रोकिरहेको ट्याक्सीमा आगजनी गरेर भागेको बताएका छन् ।

कालो ज्याकेट लगाएर आएका २ जनाले ट्याक्सीमा आगजनी गरेर भागेका र ट्याक्सीमा पूर्णरूपमा क्षति पुगेको प्रहरीले जनाएको छ । प्रहरीका अनुसार दुवै जनाको खोजी कार्य भइरहेको छ ।

सरकारले संविधानलाई बेवास्ता गर्दै संवैधानिक निकायमा नियुक्ति गरेको आरोप लगाउँदै प्रचण्ड–नेपाल पक्षले विरोध गर्दै बिहीबार देशव्यापी आमहड्ताल गरेको छ ।

प्रहरीले आमहड्ताल गराउँदै हिँडेका प्रचण्ड–नेपाल पक्षका कार्यकर्तालाई पक्राउ समेत गरिरहेको छ । प्रहरीले राजधानी काठमाडौंमा कडा सुरक्षा ‘एक्सन’ लिँदै बिहानैदेखि प्रचण्डका कार्यकर्तालाई पक्राउ गरिरहेको प्रहरी स्रोतले जनाएको छ ।

आमहड्तालविरुद्ध प्रहरी कडा एक्सनमा उत्रिएर धमाधम पक्राउ गर्न थालेको छ । प्रचण्ड–नेपाल पक्षका युवा नेता रामप्रसाद सापकोटाले सामाखुसीबाट केही युवाहरूलाई प्रहरीले बिहानै पक्राउ गरेको सामाजिक सञ्जालमार्फत जनाएका छन् । सापकोटाले लेखेका छन्, ‘गोंगबु सामाखुसीबाट एकाबिहानै ओली सरकारले गिरफ्तार गरेका युवाहरू मिलन तामाङ, समीर तामाङ, रमेश तामाङ, राजकुमार तामाङ, राजेन्द्र पाण्डेलाई तत्काल रिहा गर्न माग गर्दछौं ।’

यसअघि गृह मन्त्रालय र प्रहरी प्रधान कार्यालयले देशभर सर्कुलर गर्दै बन्द असफल पार्न निर्देशन दिएको थियो । गृह मन्त्रालयले बुधबार साँझ विज्ञप्ति जारी गर्दै सबै क्षेत्र खुला राख्न आग्रह गरेको थियो । विज्ञप्तिमा बन्द गराउन दबाब दिनेलाई कारवाही गर्ने चेतावनी समेत दिइएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा