काठमाठौं – प्रधानमन्त्री केपी शर्मा ओलीले आजको दिनमा नेकपा देशकै सबैभन्दा एकताबद्ध पार्टी भएको बताएका छन् ।

आफू पक्षीय नेकपा निकट मजदुर संगठन जिफन्टको भेलालाई बिहीबार राजधानीमा सम्बोधन गर्दै प्रधानमन्त्री ओलीले पार्टीमा आज देखिएको जस्तो एकता कैयौं वर्षदेखि देख्न नपाएको तर्क गरे ।

ओलीले भने, ‘हामीलाई मनमा कस्तो–कस्तो लाग्न सक्छ, पार्टी फुट्यो भनेर ! आज पार्टीमा जस्तो एकता छ, त्यस्तो एकता कति वर्षदेखि थिएन ? आज हाम्रो पार्टी देशमै सबैभन्दा एकतावद्ध पार्टी हो । नेपालमा सबैभन्दा अनुशासित पार्टी नै हाम्रो पार्टी हो ।’

उनले विभाजनअघिको नेकपालाई इतिहासकै गए गुज्रेको पार्टी भएको बताए । ‘हिजो नेपालका पार्टीहरुमध्ये सबैभन्दा अराजक, अनुशासनहीन, गए गुज्रेको र गैताल पार्टी नै हाम्रो पार्टी बन्यो । पार्टी, पार्टी जस्तो थियो र ? बैठक, बैठक जस्तो थियो र ? यताबाट उठेर एउटा कराउँछ, उताबाट अर्को कराउँछ च्याउँच्याउँ र म्याउँम्याउँ गरेर ..., अहिले पार्टी त्यस्तो छैन । एउटै ध्येय, एउटै धारणा, एउटै लक्ष्य विकास र समृद्धि !’ उनले भने ।

अध्यक्ष पुष्पकमल दाहाल ‘प्रचण्ड’ र माधवकुमार नेपाल बाहिरिएपछि पार्टीमा उत्साह छाएको ओलीले बताएका छन् ।

उनले भने, ‘आजभोलि शरीर किन टनटन टनटन दुखिरहेको छैन भनेको त्यही पिलो निचोरिएर रहेछ, बिमारी के रहेछ भन्दा त्यही पिलो रहेछ । उहाँहरू जानुभयो, आज पार्टीमा उत्साह छ । पार्टी गतिशील छ ।’

प्रधानमन्त्री ओलीले नेकपाकै सरकार ढाल्न, अस्थिरता मच्चाउन प्रचण्ड–माधवहरू लागेको बताउँदै दुवैले अहिले नक्कली देशभक्त बन्ने खोजेको आरोप लगाएका छन् ।

‘अब पार्टीमा विकृति विसंगति, स्वार्थी प्रवृत्ति, निजी र पारिवारिक काम गर्ने प्रवृत्तिहरू किनारा लाग्छन् । यो महान शुद्धीकरण हो,’ ओलीले भने ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा