झलनाथ खनालविरुद्ध उल्टियो पूरै गाउँ, कम्युनिस्टलाई सराप्दै कांग्रेसमा प्रवेश
झलनाथ खनालविरुद्ध उल्टियो पूरै गाउँ, कम्युनिस्टलाई सराप्दै कांग्रेसमा प्रवेश
काठमाडौं – नेपाल कम्युनिस्ट पार्टी (नेकपा) वरिष्ठ नेता तथा पूर्व प्रधानमन्त्री झलनाथ खनालको इलाम १ नम्बर निर्वाचन क्षेत्रको एउटा गाउँ नै नेपाली कांग्रेसमा प्रवेश गरेको छ ।
सोमबार नेपाली कांग्रेस वडा समितिले आयोजना गरेको पार्टी प्रवेश तथा सम्मान कार्यक्रममा इलाम नगरपालिका–१० मा ३७ घरका १५० जना र सूर्याेदयन गरपालिकाका २५ जना गरी १७५ जना कांग्रेसमा प्रवेश गरेका छन् ।
कांग्रेसमा प्रवेश गर्नेहरूमा इलामका हेमन्त राई, कृष्ण राई, इच्छाबहादुर राई, सूर्याेदयका विनोद कट्टेल, धर्मराज रसाइली लगायत कांग्रेसमा प्रवेश गरेका छन् ।
नेपाली कांग्रेसका प्रभावशाली युवा नेता डम्बर खड्काको प्रमुख आतित्थतामा भएको कार्यक्रममा खड्काले नवप्रवेशीलाई खादा ओढाएर स्वागत गरेका छन् ।
कम्युनिस्ट पार्टीका ठूलै नेता भनेर चिनिएका झलनाथ खनाललाई जिताएर पठाउँदा समेत इलामले केही नपाएको बताउँदै नवप्रवेशीहरूले अब कांग्रेसबाट मात्रै आशा बाँकी रहेको बताए । कम्युनिस्टहरू पदको लोभ, विवाद र झगडा गर्नमा मात्रै खप्पिस रहेका बताउँदै नवप्रवेशीहरूले कम्युनिस्टहरूलाई सरापेका थिए ।
युवा नेता खड्काले सम्पूर्ण नवआगन्तुकलाई स्वागत गर्दै इलामको दुःखसुखमा हरपल साथ दिने बताए । उनले नवप्रवेशीलाई पार्टीमा उचित स्थानमा राख्ने वचन समेत व्यक्त गरेका छन् ।
कम्युनिस्टहरूले चुनावका बेला मात्रै ठूल्ठूला कुरा गर्ने र सरकारमा पुगेपछि केही काम नगरेर जनतालाई धोका दिएको नेता खड्काले बताए । ‘कांग्रेस बोलेको कुरा गर्छ, नगर्ने कुरा कांग्रेसले बोल्दैन,’ नेता खड्काले भने, ‘कांग्रेसले बेइमानी गर्नु, भ्रष्टाचार गर्नु, जनतालाई धोका दिनु सिकेको छैन ।’
चुनावका बेला ठूल्ठूला कुरा गरेर जनतालाई झुक्याएपनि नेकपाले सरकार चलाउन नसकेर संसद नै विघटन गरिदिएको खड्काले बताए । ‘सरकार भ्रष्टाचारमा १ नम्बर निस्कियो, अनेक काण्डमा फस्यो,’ उनले भने, ‘प्रधानमन्त्री एक्लैले खायो भनेर प्रचण्ड, माधव नेपाल, झलनाथ खनालहरू पनि भाग खोज्न थाले, भागबण्डाको झमेला नमिल्दा प्रधानमन्त्रीले संसद नै विघटन गरिदिए । समृद्धिका नारा स्वाहा भएन ।’
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४