काठमाडौं – नेपाल कम्युनिस्ट पार्टी (नेकपा) विभाजित भएपछि सूर्य चुनाव चिह्न कसले पाउने भनेर सर्वत्र चासो देखिन्छ । सूर्य चिह्न आफ्नो पक्षमा पार्न विभाजित नेपाल अध्यक्ष पुष्पकमल दाहाल ‘प्रचण्ड’ र माधवकुमार नेपाल बढी सक्रिय देखिन्छन् ।

प्रधानमन्त्री केपी शर्मा ओली भने तुलनात्मक रूपमा कम सक्रिय छन् । निर्वाचन आयोगले पटक–पटक पठाएका पत्रले हैरान भएका प्रचण्ड–नेपाल सोमबार अकस्मात आफैं निर्वाचन आयोग पुगेका छन् ।

चुनाव चिह्न र नेकपाको आधिकारिकता कसले पाउने चासोबीच सबैको ध्यान निर्वाचन आयोगतिर छ । चुनाव चिह्न र पार्टीको आधिकारिकता सँगसँगै प्रचण्ड–नेपालले निर्वाचनको तयारी रोक्न समेत माग गरेका छन् ।

निर्वाचन आयोगको कार्यालय पुगेर अध्यक्षद्वय प्रचण्ड र नेपालले तत्काल निर्वाचनको तयारी प्रक्रिया अगाडि नबढाउन आग्रह गरेको प्रचण्डका प्रेस संयोजक विष्णु सापकोटा ‘जुगल’ले बताए ।

निर्वाचन आयोगका सहसचिव लक्ष्मीप्रसाद गौतमले निर्वाचनका कार्यक्रम रोक्न र दलबारे कागजात उपलब्ध गराउन २ वटा पत्रमार्फत अनुरोध गरिएको जानकारी दिए ।

‘आज उहाँले २ वटा पत्रमार्फत अनुरोध गर्नुभएको छ । एउटा नेकपा दर्ता भएयता हालसम्मको कागजात पाउँ भन्नेबारे । नेकपा विवादका बेला हामीसँग भएका सक्कल कागजातबारे हो । हामीसँग भएका कागजातबारे हामी यहीबाट उपलब्ध गराउछौं । दोस्रो, निर्वाचनका कार्यक्रम रोकिपाउँ भन्नेबारे छ,’ गौतमले भने ।

यसअघि निर्वाचन आयोगले प्रचण्ड–नेपाल र ओली पक्षलाई छुट्टाछुट्टै पत्र पठाएको थियो । प्रधानमन्त्री ओलीले संसद विघटन गर्दै आगामी बैशाखमा निर्वाचन घोषणा गरेपछि नेकपा विभाजित भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा