काठमाडौं - आफूविरुद्ध अविश्वासको प्रस्ताव आउने संकेत पाएलगत्तै प्रधानमन्त्री केपी ओलीले हठात संसद् विघटन गरिदिए ।

त्यसअघि नै आफ्ना आसेपासेलाई संवैधानिक अंगमा नियुक्ति दिलाउन रातारात संवैधानिक परिषद्सम्बन्धी अध्यादेश ल्याए । चौतर्फी विरोधका बाबजुद पनि उनले त्यसलाई सच्याउन आवश्यक ठानेनन् ।

प्रतिनिधिसभा भंग गरिदिएको रोष राष्ट्रिय सभा बैठकमा सांसदहरूले पोखेपछि ओलीले चारै दिनमा राष्ट्रिय सभाको बैठक पनि अन्त्य गरिदिएका छन् । अर्थात् आफूविरुद्ध कसैले गाली र विरोध गरेको उनी सुन्न चाहँदैनन् ।

अहिले उनी नेकपाको अर्को समूहका नेताहरूको हुर्मत लिन कस्सिएका छन् । त्यसका लागि उनले आफूनिकटलाई सर्कुलर नै गरिसकेका छन् । जहाँ हुन्छ प्रचण्ड माधव नेपालको सात्तो लिन उनले निर्देशन नै दिएका छन् ।

यतिबेला उनी पूर्वप्रधानन्यायाधीश, कानुन व्यवसायीको हुर्मत लिन थालेका छन् । उनीहरूको पेसामाथि धावा बोल्न थालेका छन् । मैले भनेकै हुुनुपर्छ, प्रतिनिधिसभा पुनःस्थापना गर्नु हुन्न, पुनःस्थापना हुँदै हुँदैन भन्दै अदालतलाई धम्क्याइरहेका छन् ।

ओलीको जति त पूर्वराजा ज्ञानेन्द्र शाहले पनि गरेका थिएनन् । यी सबै उधूम मच्चाउन ओलीलाई कहाँबाट शक्ति प्राप्त भयो ? कसको तागतमा ओलीले यी सबै गरिरहेका छन् ? भन्ने मानिसहरूले अझै ठम्याउन सकेका छैनन् । 

जानकारहरूका अनुसार यदि नेपाली कांग्रेसले दह्रोसँग खुट्टा टेक्ने हो भने ओली लल्याकलुलुक हुने सम्भावना धेरै छ । तर, कांग्रेसको ढुलमुले चरित्रका कारण ओलीले उधूम मच्चाइरहेका छन् । कांग्रेसले एकढिक्का भएर प्रतिनिधिसभा पुनःस्थापना माग गरेमा ओली ओइलाएको साग जस्तै बन्ने नेताहरूको बुझाई छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा