काठमाडौं – नेपाल कम्युनिस्ट पार्टी (नेकपा) विभाजनसँगै प्रचण्ड–नेपाल पक्षधर कर्णाली प्रदेशका मुख्यमन्त्री महेन्द्रबहादुर शाहीको कुर्सी हल्लाउन सक्ने ठानिएका उद्योग, पर्यटन, वन तथा वातावरण मन्त्री नन्दसिंह बुढाले प्रधानमन्त्री केपी शर्मा ओली पक्षीय नेकपा त्यागेका छन् ।

कर्णालीका मन्त्रीले नै साथ छाडेपछि ओली पक्षीय नेकपालाई ठूलो धक्का लागेको छ । मंगलबार प्रेस विज्ञप्ति जारी गर्दै मन्त्री बुढा प्रचण्ड–नेपाल पक्षमा खुलेका छन् ।

यसअघि प्रधानमन्त्री केपी शर्मा ओली पक्षधर मानिएका बुढा नेकपा नेता जनार्दन शर्मा र मुख्यमन्त्री महेन्द्रबहादुर शाहीको पहलपछि प्रचण्ड–नेपाल पक्षमा लागेका छन् ।

मन्त्री बुढाले मंगलबार प्रेस विज्ञप्ति जारी गर्दै भनेका छन्, ‘नेपाली कम्युनिस्ट आन्दोलनलाई सफल र एकीकृत बनाउन म एक जिम्मेवार कार्यकर्ताको रूपमा महत्त्वपूर्ण भूमिका रहने तथा डोल्पा जिल्लाबाट जनताको अपार मायाले निर्वाचित कर्णाली प्रदेश सभाको एक जिम्मेवार सदस्यको रूपमा कर्णाली प्रदेश सरकारलाई स्थिरता प्रदान गर्नु पनि त्यतिकै महत्त्वपूर्ण भूमिका रहेको वर्तमान परिवेशमा मैले अध्यक्ष पुष्पकमल दाहाल ‘प्रचण्ड’ र अर्का अध्यक्ष क. माधवकुमार नेपालको नेतृत्वमा रहेको हाम्रो गौरवशाली पार्टी नेकपामा नै आवद्ध रहेको सहर्ष जानकारी गराउन चाहन्छु ।’

मन्त्री बुढा प्रचण्ड–नेपाल पक्षमा लागेपछि नेकपा विभाजनपछि समेत कर्णाली प्रदेश सरकारलाई कुनै खतरा नरहेको चर्चा नेकपाभित्र भइरहेको छ । बुढाको साथ पाएपछि मुख्यमन्त्री शाही लगायत प्रचण्ड–नेपाल पक्षीय नेताहरू खुशी भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा