देशले देशभक्त, सालिन र भद्र महिला राष्ट्रपति पाएको छ : केपी ओली
देशले देशभक्त, सालिन र भद्र महिला राष्ट्रपति पाएको छ : केपी ओली
काठमाडौं – राष्ट्रपति विद्यादेवी भण्डारीका कतिपय गतिविधि आलोचनाको शिकार हुने गरेको भएपनि कम्युनिस्ट प्रधानमन्त्री केपी शर्मा ओलीले देशले देशभक्त, सालिन र भद्र महिला राष्ट्रपति पाएको बताएका छन् ।
नेपाल कम्युनिस्ट पार्टी (नेकपा) ओलीपक्षीय अनेरास्ववियूका कार्यकर्ता भेलालाई सम्बोधन गर्र्दै ओलीले राष्ट्रपति भण्डारीविरुद्ध नाराबाजी भएकोमा असन्तुष्टि पोखेका छन् ।
‘देशले देशभक्त, सालिन र भद्र महिला राष्ट्रपति पाएको छ, उहाँको इज्जतमाथि धावा बोल्ने ?’ उनले भने । भण्डारीविरुद्ध नाराबाजी गर्नेलाई सरम हुनुपर्छ भन्दै उनले मर्यादा राख्नुपर्ने बताए । ओलीले प्रचण्ड–नेपाल पक्षतर्फ व्यंग्य गर्दै थपे, ‘यो उनीहरूको संस्कार हो ।’
प्रधानमन्त्री ओलीले नेकपाको अर्को पक्षका अध्यक्ष माधवकुमार नेपालले जाति विशेषलाई होच्याएको भन्दै व्यंग्य गरे । ‘मरेपछि के राजा भनी जातीय आधारमा होच्याउने ?’ उनले भने । उनले जातीय, क्षेत्रीय र भौगोलिक आधारमा होच्याउने कुनै पनि कदम स्वीकार्य नहुने बताएका छन् ।
ओलीले सभामुख अग्निप्रसाद सापकोटाको आलोचना गर्दै कीर्ते कामको साक्षी बसेको आरोप लगाए । ‘सभामुख जस्तो मान्छे कीर्ते कामको साक्षी बस्ने ?’ उनले भने ।
ओलीले महिलामाथि अपमान हुने गरी अभिव्यक्ति दिएको भन्दै नेकपा नेता भीम रावलको कडा आलोचना गरे । रावलले आफूमाथि महिलाको किड्नी हालेकाले दिमाग बिग्रिएको भनी अभिव्यक्ति दिएको आरोप लगाउँदै यसबाट महिलाको अपमान भएको टिप्पणी उनले गरे । तर रावलले यस्तो कुनै अभिव्यक्ति दिएका थिएनन् । बरु भ्रामक खबर सम्प्रेषण गर्ने अनलाइनले अफवाह फैलाएको भनेर नेता रावलले अभिव्यक्ति दिइसकेका छन् ।
‘महिलाको किड्नीले केपी ओलीको दिमाग बिग्रियो भन्नेलाई महिलाले नै जन्माएकीले जन्मजात दिमाग बिग्रिएको हुनुपर्छ,’ ओलीले भने, ‘तिनलाई श्रीमतीले घरमा कसरी खान दिइन् होला ? छरछिमेकका दिदीबहिनीका अगाडि कसरी अनुहार देखाए होलान् ?’
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४