काठमाडौं – नेपाल कम्युनिस्ट पार्टी (नेकपा) फुट्दाफुट्दै पार्टीको बैंक खाताबाट ३० लाख रुपैयाँ गायब पारिएको आरोप लगाइएको छ ।

नेकपा सुदूरपश्चिम प्रदेश कमिटीको बैंक खातामा रहेको ३० लाख रुपैयाँ प्रचण्ड–नेपाल पक्षले झिकेर गायब पारेको आरोप ओली पक्षको छ ।

नेकपा एकीकरण हुँदा सुदूरपश्चिमका अध्यक्ष कर्णबहादुर थापा, प्रदेश सचिव नेपबहादुर चौधरी र कार्यालय सचिव दिनेशचन्द्र सुवेदीको नाममा कृषि विकास बैंक धनगढी शाखामा संयुक्त खाता सञ्चालन भए पनि ३० लाख रुपैयाँ एकलौटी रूपमा झिकिएको आरोप छ ।

नेकपा ओली समूहका सुदूरपश्चिम अध्यक्ष कर्ण थापाले पार्टी इन्चार्ज भीम रावलको ठाडो निर्देशनमा सामूहिक सम्पत्ति एकलौटी रूपमा प्रदेश अध्यक्षलाई कुनै जानकारी नदिएर झिकिएको आरोप लगाएका छन् ।

‘पार्टीको सम्पत्ति नासमास गर्न कसैले पनि पाउँदैनन्,’ थापाले भनेका छन्, ‘प्रचण्ड पक्षले निकै आपराधिक काम गरेको छ । मैले पार्टी विभाजनको अवस्थामा पुगेपछि बैंकका म्यानेजरलाई समेत यस्तो परिस्थितिमा निकासा नदिन अनुरोध गरेको थिए । तर अहिले बुझ्दा प्रदेश सचिव चौधरी र कार्यालय सचिव सुवेदीले हस्ताक्षर गरेर खातामा रहेको ३३ मध्ये ३० लाख रुपैयाँ गायब पारेका रहेछन् ।’ 

अध्यक्ष थापाले प्रचण्ड–नेपाल समूहका इन्चार्ज भीम रावलको निर्देशनमा सबै काम भएको दाबी गरे । ‘भीम रावलको निर्देशनमा सबै काम भएको छ । त्यो अपराधपूर्ण काम हो । कुनै पनि हालतमा यसलाई छोड्नेवाला छैनौं,’ थापाले भने, ‘यो कुन राजनीतिसँग मेल खान्छ ? पार्टीमा राजनीतिक हिसाबले चलेको विवाद एकखालले सामाधान होला ।’

नेता भीम रावलले भने ३ जनामध्ये २ जनाको हस्ताक्षरले खाता सञ्चालन हुनसक्ने भएको र रकम निकालिएकोबारे हिसाबकिताब आफूलाई थाहा नभएको प्रतिक्रिया दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा