काठमाडौं – कम्युनिस्ट प्रधानमन्त्री केपी शर्मा ओलीले संसद विघटन गरेको १० दिनपछि पहिलो पटक बुधवार नेकपा अध्यक्ष पुष्पकमल दाहाल ‘प्रचण्ड’सँग टेलिफोन वार्ता गरेका छन् ।

टेलिफोन वार्तामा ओली–प्रचण्डबीच राजनीतिक विषयमा कुराकानी नभई पारिवारिक विषयमा वार्ता भएको हो ।

ओलीले अध्यक्ष प्रचण्डलाई फोन गर्दै प्रचण्ड पत्नी सीता दाहालको स्वास्थ्य अवस्थाबारे जानकारी लिएका छन् ।

ललितपुरको मेडिसिटी अस्पतालमा बुधवार नै उपचारका लागि भर्ना भएकी सीताको स्वास्थ्य लाभको कामना गर्दै ओलीले अर्थमन्त्री विष्णु पौडेल र पूर्व सभामुख सुवासचन्द्र नेम्वाङलाई पठाउन लागेको जानकारी प्रचण्डलाई गराएका थिए ।

पुस ५ गते बिहान संसद विघटनअघि प्रचण्डले प्रधानमन्त्री ओलीसँग फोन गरी बालुवाटारमै गएर भेटेपछि नेकपाका २ शीर्ष नेताबीच पहिलोपटक फोनमा कुराकानी भएको जनाइएको छ ।

छोरा प्रकाश दाहालको निधनपछि केही वर्षयता मानसिक तथा शारीरिक रूपमा कमजोर बनेकी सीताको स्वास्थ्यमा समस्या आएपछि बुधवार नै मेडिसिटी अस्पतालमा उपचारका लागि भर्ना गरिएको छ । यसअघि देश र विदेशका विभिन्न अस्पतालमा उपचार गर्दा पनि सीताको स्वास्थ्यमा सुधार हुन सकेको छैन ।

पूर्व सभामुख नेम्बाङले आफू र अर्थमन्त्री विष्णु पौडेल सीता दाहालको स्वास्थ्य अवस्था बुझेर मेडिसिटीबाट फर्किएको बताए । ‘हामी केहीबेरअघि मात्र सीताजीको स्वास्थ्य अवस्था बुझेर आएका हौं,’ उनले भने ।

प्रधानमन्त्री ओलीले पहिला आफैंले प्रचण्डसँग फोनमा कुराकानी गरेर आफूहरू २ जनालाई सीताको स्वास्थ्य अवस्थाबारे थप जानकारी लिन र स्वास्थ्य लाभको कामना गर्न पठाएको नेम्बाङले बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा