ओली पक्ष ज्यादै आक्रामक, प्रचण्ड पक्षीय २ जना पदबाट बर्खास्त
ओली पक्ष ज्यादै आक्रामक, प्रचण्ड पक्षीय २ जना पदबाट बर्खास्त
काठमाडौं – सत्तारुढ नेपाल कम्युनिस्ट पार्टी (नेकपा) विभाजन भएपछि प्रधानमन्त्री केपी शर्मा ओली र पुष्पकमल दाहाल ‘प्रचण्ड’ पक्षले एकअर्कालाई कारवाही र बर्खास्त गर्ने गरिरहेका छन् ।
प्रचण्ड पक्षले प्रदेश सभामा अविश्वासको प्रस्ताव दर्ता गराएपछि बागमती प्रदेशका मुख्यमन्त्री डोरमणि पौडेलले प्रचण्ड पक्षीय नेकपा संसदीय दलका उपनेता र सचेतकलाई पदमुक्त गरेका छन् ।
आफूविरुद्ध अविश्वासको प्रस्ताव दर्ता गर्दा प्रचण्ड–माधवकुमार नेपाल पक्षका ४५ जना सांसदको नेतृत्व गरेका उपनेता शालिकराम जम्कट्टेल र सचेतक बुद्धिमान माझीलाई मुख्यमन्त्री पौडेलले मंगलवार पदबाट बर्खास्त गर्दै स्पष्टीकरण सोधेका छन् ।
दुवै जनासहित ३० जना सांसदलाई स्पष्टीकरण सोधिएको मुख्यमन्त्री पौडेलको सचिवालयले जानकारी दिएको छ ।
‘संसदीय दलको विधानअनुसार दुवै जनालाई कारबाही गरिएको हो,’ मुख्यमन्त्री पौडेलका प्रेस सल्लाहकार प्रकाश दाहाल भने, ‘आवश्यकताका आधारमा पहिलो चरणमा ३० जना सांसदहरूसँग स्पष्टीकरण सोधिएको छ ।’
पदमुक्त गरिएका दुवै जना तत्कालीन नेकपा माओवादीको तर्फबाट प्रदेशसभा सांसदमा निर्वाचित भएका थिए ।
नेकपाको प्रचण्ड–नेपाल समूहका प्रदेशसभा सदस्यले पुस १० गते शुक्रवार मुख्यमन्त्री पौडेलविरुद्ध अविश्वास प्रस्ताव दर्ता गराएका थिए ।
बागमती प्रदेशमा नेकपाका कूल ८० सांसद रहेकोमा प्रधानमन्त्री ओली पक्षका मुख्यमन्त्री पौडेलसँग ३४ र प्रचण्ड–नेपाल समूहसँग ४६ मत रहेको जनाइएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४