ओली–प्रचण्डको झगडामा भित्रैसम्म घुस्यो चीन, राजदूत यान्छीले नसकेपछि थप टोली आउँदै
ओली–प्रचण्डको झगडामा भित्रैसम्म घुस्यो चीन, राजदूत यान्छीले नसकेपछि थप टोली आउँदै
काठमाडौं – नेपाल कम्युनिस्ट पार्टी (नेकपा) प्रधानमन्त्री केपी शर्मा ओली र पुष्पकमल दाहाल ‘प्रचण्ड’ पक्षमा विभाजित भएपछि उत्तरी छिमेकी चीनले फुटमा भित्रैसम्म प्रवेश गरेको छ ।
नेपालका लागि चिनियाँ राजदूत होउ यान्छीले नेकपाका विभिन्न नेताहरूसँग भेट गरेर पनि विवाद नमिल्ने भएपछि अब चीनबाटै थप टोली काठमाडौं आउने भएको छ ।
नेकपा विभाजन र संसद विघटनको स्थलगत रूपमै जानकारी हासिल गर्न चीनबाट एउटा प्रतिनिधिमण्डल काठमाडौं आउने भएको हो ।
चिनियाँ कम्युनिस्ट पार्टी (सीपीसी) को अन्तर्राष्ट्रिय विभागका उपमन्त्री गुओ येचौको नेतृत्वमा भोलि आईतबार आउने जाँचबुझ टोलीमा ४ सदस्यीय हुने स्रोतले जनाएको छ । टोली काठमाडौंमा ४ दिनसम्म बस्नेछ ।
काठमाडौं आउने चिनियाँ टोलीले विभाजित नेकपाको दुवै पक्षसँग गहन छलफल गर्ने कार्यक्रम रहेको नेकपा नेताहरू बताउँछन् ।
यसअघि काठमाडौंमा राजदूत होउले राष्ट्रपति विद्यादेवी भण्डारी, नेकपा अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल, पूर्व सभामुख कृष्णबहादुर महरा लगायतसँग भेटघाट गरिसकेकी छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४