राजनीतिक विशेष
गगन थापाको उदघोष, ओलीको ‘कू’ को सडक आन्दोलनबाटै जवाफ दिन्छौं, कांग्रेस एकढिक्का छ
गगन थापाको उदघोष, ओलीको ‘कू’ को सडक आन्दोलनबाटै जवाफ दिन्छौं, कांग्रेस एकढिक्का छ
काठमाडौं - नेपाली कांग्रेसका युवा नेता गगन थापाले प्रधानमन्त्री केपी ओलीको ‘कू’ को सडक आन्दोलनबाटै जवाफ दिने बताएका छन् ।
बिहीबार बिहान नेपाली रेडियो नेटवर्कमा कुराकानी गर्दै नेता थापाले अब कांग्रेसले बैठक छाडेर आन्दोलनमा जान ढिलाइ भइसकेको बताए । नेता थापाले आफुहरुका विरुद्धमा लागेका आरोप र व्यक्त भएका आशंकाहरुको एकमुष्ट निवारण गर्न अदालत, प्रधानन्यायाधीश र काँग्रेस सभापति शेरबहादुर देउवालाई अवसर आएको पनि बताए ।
काँग्रेस अन्योलमा छ भन्ने सन्देश जान थालेकाले तत्काल बैठक टुंग्याएर गाउँ गाउँमा जान थालिहाल्नुपर्नेमा उनले जोड दिए । ‘अदालतलाई प्रभावित पार्ने होइन, दवाव दिने होइन, तर आफ्नो कुरा सुनाउने र संविधान अनुसार निर्णय गर्न झकझक्याउन त काँग्रेसले मिल्छ नि,’ उनले भने । संविधानको दुरुपयोग रोक्न राष्ट्रपति भन्ने संस्था चुके पनि अव अदालत नचुक्नेमा उनले विश्वास व्यक्त गरे ।
अदालतको निर्णयलाई काँग्रेसले मान्ने स्पष्ट पार्दै उनले राजाको शाही कदमलाई उल्ट्याएको अदालतले अहिले पनि सही निर्णय गर्ने भरोसा जनाए ।
‘अदालतको निर्णय मान्नुपर्छ, अदालतले चाहिं संविधानअनुसार मात्रै निर्णय गरे पुग्छ, अरु केही गर्नुपर्दैन,’ उनले भने । निर्वाचनमा जानुहुन्न भन्नेमा कांग्रेसभित्र कोही पनि नरहेको जानकारी दिँदै उनले सिंगो नेकपाको असफलताका बारेमा गाउँगाउँमा पुगेर बताउदै गर्दा पनि निर्वाचनको तयारी हुने धारणा राखे ।
उनले अदालतलाई कुरेर बस्ने भन्दा पनि जनताको आवाज अदालतसम्म पुर्याउन पनि कांग्रेसले आन्दोलन गर्नुपर्ने तर्क गरे ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४