काठमाडौं – कम्युनिस्ट प्रधानमन्त्री केपी शर्मा ओलीले संसद विघटन गरेपनि नेकपाकै अध्यक्ष पुष्पकमल दाहाल ‘प्रचण्ड’ भने संसद पुनःस्थापना गरेर प्रधानमन्त्री बन्ने सुरसारमा छन् ।

नेकपा संसदीय दलको बैठक डाँकेर प्रचण्ड दल नेता निर्वाचित भएका छन् । बैठकमा उनले संस्द पुनःस्थापित गरेर प्रधानमन्त्री ओलीलाई विधिवत् रूपमा हटाउने घोषणा गरेका छन् । त्यसपछि आफू प्रधानमन्त्री बन्न उनी संसदीय दलको नेता समेत बनिसकेका छन् ।

प्रचण्डले प्रधानमन्त्री बन्न सुरसार गरिरहेपनि उनलाई सर्वाेच्च अदालतबाट धक्का लागेको छ । प्रचण्डको योजनामा नेकपा प्रमुख सचेतक देव गुरुङ लगायत सांसदले सर्वाेच्च अदालतमा रिट दायर गरेर अन्तरिम आदेश दिन माग गरेपनि सर्वाेच्चले त्यसलाई अस्वीकार गरेको छ ।

प्रचण्ड पक्षीय सांसदले संसद विघटन गर्ने राष्ट्रपति विद्यादेवी भण्डारीको निर्णय तत्काल कार्यान्वयन नगर्न माग गर्दै अन्तरिम आदेश माग गरेका थिए । तर सर्वाेच्चले प्रचण्ड पक्षका सांसदको माग सुनुवाइ गरेन ।

सर्वोच्च अदालतले प्रतिनिधिसभा विघटनविरुद्ध परेका सबै रिट संवैधानिक इजलासमा पठाउने निर्णय गरेको छ । प्रधानन्यायाधीश चोलेन्द्र शम्शेर राणाको एकल इजलासले बुधबार प्रतिनिधिसभा विघटनविरुद्ध परेका रिट संवैधानिक इजलासमा पठाउने आदेश सुनाएको अधिवक्ता लोकेन्द्र ओलीले बताएका छन् ।

आगामी शुक्रबार बस्ने संवैधानिक इजलासमा प्रतिनिधिसभा विघटनविरुद्ध परेको रिटमाथि छलफल हुने जनाइएको छ । बुधबार निवेदकका तर्फबाट वरिष्ठ अधिवक्ता शम्भु थापा, दिनेश त्रिपाठी, हरिहर दाहाल, कृष्णप्रसाद भण्डारी तथा अधिवक्ता कञ्चनकृष्ण न्यौपाने लगायतले बहस गरेका थिए । 

निवेदकले अन्तरिम आदेश माग गर्दै प्रतिनिधिसभा विघटनबारे बृहत् पूर्ण इजलासमा छलफल गराउन माग गरेका थिए । प्रतिनिधिसभा विघटन गैरसंवैधानिक रहेको दाबीसहित सोमवार र मंगलवार सर्वोच्चमा १२ रिट परेका थिए ।

नेकपाका सांसदहरू देव गुरुङ, कृष्णभक्त पोखरेल, रामकुमारी झाक्री र शशी श्रेष्ठ लगायतले सर्वोच्चका  रिट निवेदन दिएका थिए ।

ओली नेतृत्वको मन्त्रिपरिषद्को सिफारिसमा राष्ट्रपति विद्यादेवी भण्डारीले पुस ५ गते प्रतिनिधिसभा विघटन गरी आगामी २०७८ वैशाख १७ र २७ गतेका लागि चुनावको मिति घोषणा गरेकी छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा