काठमाडौं – कम्युनिस्ट प्रधानमन्त्री केपी शर्मा ओली नेतृत्वको सरकारले गरेको प्रतिनिधिसभा विघटनविरुद्ध साझा धारणा बनाउन र आन्दोलनका कार्यक्रम तय गर्न नेपाली कांग्रेसको पार्टी कार्यालयमा नेकपा अध्यक्ष पुष्पकमल दाहाल ‘प्रचण्ड’सहित नेताहरू प्रवेश गरेका छन् ।

नेकपा विवाद चर्किएका बेला ओलीसँग छलफल गर्न दिनहुँजसो बालुवाटार प्रवेश गरिराख्ने प्रचण्डले अब कांग्रेस पार्टी कार्यालय प्रवेश गर्नुपर्ने अवस्था आएको छ ।

कांग्रेस पार्टी कार्यालयमा सर्वदलीय बैठक शुरू भएको छ । कांग्रेसको आह्वानमा बसेको सर्वदलीय बैठकमा नेकपा कार्यकारी अध्यक्ष पुष्पकमल दाहाल ‘प्रचण्ड’ र माधवकुमार नेपाल पक्षधर नेताहरू सहभागी छन् । 

जनता समाजवादी पार्टीका नेताहरू पनि बैठकमा सहभागी छन् । आइतवार पनि ३ दलका नेताहरूबीच छलफल भएको थियो ।

सोमवारको बैठकले संसद विघटनविरुद्ध साझा धारणा बनाएर आन्दोलनका कार्यक्रम घोषणा गर्ने जसपाका नेता डा. बाबुराम भट्टराईले जानकारी दिए ।

ओली नेतृत्वको सरकारले प्रतिनिधिसभा विघटन गरी आगामी २०७८ बैशाखमा आमनिर्वाचन गर्ने घोषणा गरेका थियो । संसद विघटन गर्ने सरकारको सिफारिस राष्ट्रपति विद्या भण्डारीले स्वीकृत गरिसकेकी छन् । 

संसद विघटनलाई असंवैधानिक कदम ठहर गर्दै ३ दलले यसविरुद्ध राजनीतिक प्रदर्शन र कानुनी उपचार खोज्ने तयारीमा छन् । सर्वदलीय बैठकअघि बसेको प्रचण्ड–नेपाल समूहका सांसदको बैठकले संसदको अधिवेशन आह्वान गर्न आग्रह गरेको थियो । 

प्रधानमन्त्री केपी शर्मा ओलीले भने सोमबार देशसासीको नाममा सम्बोधन गर्दै आफ्ना एजेण्डा लिएर जनतामा जान प्रतिपक्षी दललाई आग्रह गरेका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग