काठमाडौं – नेपाल कम्युनिस्ट पार्टी (नेकपा) स्थायी कमिटी बैठकले प्रधानमन्त्री केपी शर्मा ओलीलाई कारवाही गर्ने प्रस्ताव केन्द्रीय कमिटी बैठकमा लैजाने निर्णय गरेपछि बालुवाटारमा ओलीपक्षीय गुटको भेला हुन लागेको छ ।

ओलीले आज सोमवार बिहान ९ बजे प्रधानमन्त्री निवास बालुवाटारमा आफूपक्षीय नेताहरूको भेला बोलाएका छन् । 

भेलामा ओली पक्षका राष्ट्रियसभा सदस्य, विघटित प्रतिनिधि सभाका सांसद र केन्द्रीय नेताहरूको उपस्थिति रहने जनाइएको छ ।

मन्त्रिपरिषद्को सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेपछि नेकपाभित्र विवाद उत्कर्षमा पुगेको छ । नेकपामा अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपाल पक्षले ओलीमाथि कारवाही नै गर्ने भएपछि अब नेकपा फुटाउने तयारी समेत सुरू भएको छ ।

राजनीतिक र व्यावहारिक रूपमा फुटिसकेको नेकपालाई सांगठनिक रूपमा नै फुटाउने गरी तयारी सुरू भएको नेकपा नेताहरु बताउँछन् । प्रचण्ड–नेपाल पक्षले केन्द्रीय कमिटीबाट ओलीमाथि कारवाहीको निर्णय गर्नसक्ने भएकाले ओलीले त्यसअघि नै कुनै कदम चाल्न सक्ने स्रोतले जनाएको छ ।

आईतबार बसेको नेकपा स्थायी कमिटी बैठकले अध्यक्ष ओलीलाई अनुशासनको कारबाही गर्ने प्रस्ताव केन्द्रीय कमिटीमा लैजाने निर्णय गरेको छ । पुस १० गतेका लागि सारिएको केन्द्रीय कमिटी बैठक पुस ७ गते बोलाउने निर्णय भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा