काठमाडौं – सत्तारुढ नेपाल कम्युनिस्ट पार्टी (नेकपा) स्थायी कमिटी बैठकमा विवादित संवैधानिक परिषद् सम्बन्धी अध्यादेश फिर्ता लिने वचन दिएका कम्युनिस्ट प्रधानमन्त्री केपी शर्मा ओलीले धोका दिएका छन् ।

जारी स्थायी कमिटी बैठकमा ओलीले अध्यादेश फिर्ता लिने र अर्का अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपाल पक्षले राष्ट्रपति विद्यादेवी भण्डारीको अफिस शितलनिवासमा पुगेको हस्ताक्षर फिर्ता लिने सहमति भएको थियो ।

सहमति अनुसार प्रचण्ड–नेपाल पक्षका नेताहरू भीम रावल र पम्फा भुसाल त्यसै दिन शितलनिवासबाट फिर्ता भएर घरतिर लागे । ओलीविरुद्ध संसदको विशेष अधिवेशन माग गर्ने प्रचण्ड–नेपाल समूहको प्रयास त्यति नै बेला फिर्ता भयो, तर ओलीले अझै अध्यादेश फिर्ता गरेका छैनन् ।

बिहीबार साँझ भएको मन्त्रिपरिषद् बैठकबाट अध्यादेश फिर्ताको निर्णय हुने अपेक्षा गरिएपनि त्यसबारे कुनै जानकारी दिइएको छैन । बिहीबार दिउँसो भएको भेटवार्तामा समेत प्रचण्डले ओलीलाई अध्यादेश फिर्ताको निर्णय गराउन सचेत गराएका थिए । तर ओलीले एकपल्ट राष्ट्रपति भण्डारीलाई भेटेर मात्रै अध्यादेश फिर्ताको निर्णय गर्ने अडान लिएका छन् । 

यसरी ओलीले दिएको वचन पूरा नगरेर धोका दिएको भन्दै प्रचण्ड–नेपाल पक्ष आक्रोशित बनेको छ भने ओलीविरुद्ध योजना बनाइरहेको छ । त्यसको संकेत गरेका छन् नेकपा नेता विष्णु रिजालले ।

उनले सामाजिक सञ्जाल फेसबुकमा लेखेका छन्, ‘पार्टीमा निर्णय भएपछि त्यसलाई इमान्दारीपूर्वक कार्यान्वयन गर्दा मात्रै अविश्वास र असहमति कम गर्न सकिन्छ । प्रधानमन्त्रीले अध्यादेश तत्काल फिर्ता नलिए संसद्को विशेष अधिवेशन आह्वानका लागि सांसदहरू फेरि शीतलनिवास पुगेको दृश्य देख्नुपर्ने नै छ । दुनियाँ हँसाएर र आफ्नै विश्वसनीयता यति तल झारेर स्वयम् व्यक्ति र पार्टीलाई के फाइदा होला र ?’

प्रचण्ड–नेपाल पक्ष पुनः राष्ट्रपति भण्डारीको अफिस शितलनिवास पुगेर धर्ना बस्ने संकेत नेता रिजालले दिएका छन् । यसअघि बुधबार दिउँसो शितलनिवास पुगेका भीम रावल र पम्फा भुसालको निवेदन दर्ता नभएपछि रातिसम्म धर्ना दिएका थिए । ओलीको जिद्दीले नेकपा विवाद झन् उत्कर्षमा पुग्ने देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा