काठमाडौं – नेपाली कांग्रेसका चर्चित युवा नेता तथा सांसद गगनकुमार थापाले संसद अधिवेशन बोलाएर कम्युनिस्ट प्रधानमन्त्री केपी शर्मा ओलीलाई बाँध्न सकिने सुझाव दिए । 

थापाले सभापति शेरबहादुर देउवालाई लक्षित गर्दै सामाजिक सञ्जाल ट्विटरमार्फत सुझाव सार्वजनिक गरेका थिए । अहिले कांग्रेसको पदाधिकारी बैठक बसिरहेको छ ।

थापाले संसद अधिवेशन बोलाउनुपर्ने धारणा सार्वजनिक गरेको केहीबेरमै सत्तारुढ नेकपाका अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपाल पक्षधर सांसद हस्ताक्षर बोकेर राष्ट्रपति विद्यादेवी भण्डारी निवास शितलनिवास पुगे । जसमा संसद अधिवेशनकै माग गरिएको छ ।

यसरी नेकपाभित्रको प्रचण्ड–नेपाल समूह कांग्रेस नेता गगन थापाको लाइनमा आएको छ । सांसद थापाले बरालिएका ओलीलाई बाँध्न संसद अधिवेशन बोलाउन बाध्य पार्न, उपसभामुख नभएसम्म संवैधानिक परिषद् बैठकमा नजान र संसदमा उपसभामुखको निर्वाचन गर्न बाध्य पार्न सुझाव दिएका छन् ।

उनले ट्विटरमा लेखेका छन्, ‘संविधानको धारा ९३(३) अनुसार संसद अधिवेशनका लागि आजै निवेदन दिऔं । उपसभामुखको निर्वाचन नगरेसम्म संसदको गतिविधि ठप्प गरौं । उपसभामुख विनाको संवैधानिक परिषद् बैठक अस्वीकार गरौं । संसद र सडकबाट यो अध्यादेश फिर्ता गर्न बाध्य पारौं ।’

नेता थापाको सुझाव अनुसार कांग्रेसले ठोस निर्णय लिई नसक्दै नेकपा सांसद भीम रावल र पम्फा भुसाल अन्य सांसदको समेत हस्ताक्षरसहित शितलनिवास पुगेका हुन् ।

शितलनिवासका सचिव सम्पर्कमा नआएका कारण निवेदन दर्ता हुन नसकेको नेकपा स्रोतले जनाएको छ । तर काग्रेस र नेकपाको प्रचण्ड–नेपाल समूह ओलीविरुद्ध समान धारमा आइपुगेको छ । ओलीको दादागिरी अन्त्य गर्न नेकपाका नेताहरू संघर्षरत रहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग