काठमाडौं – पार्टी कार्यालयमा आयोजना भएका नेपाल कम्युनिस्ट पार्टी (नेकपा) बैठकमा सहभागी नहुने प्रधानमन्त्री केपी शर्मा ओलीले आफ्नै सरकारी निवास बालुवाटारभित्रै नेकपा बहिष्कार गरेका छन् ।

नेकपाको जारी स्थायी कमिटी बैठक बहिष्कार गर्दै ओली सहभागी भएनन् । यसअघि मंसिर २८ गतेको बैठकमा भने ओली सहभागी थिए ।

ओलीको सहभागिता विनै नेकपा स्थायी कमिटी बैठक बालुवाटारमा सुरू भएको छ । गत मंसिर २१ गते सुरू भएको स्थायी कमिटी बैठक २८ गते केन्द्रीय सदस्य कमानसिंह लामाप्रति शोक प्रस्ताव पारित गरेर पुस १ गतेसम्म स्थगित गरिएको थियो ।

मंसिर २१ गते पार्टी कार्यालय धुम्बाराहीमा भएको बैठकका अनुपस्थित ओली २८ गतेको बैठकमा उपस्थित भएका थिए । आज बुधबारको बैठकअघि प्रधानमन्त्री ओली र नेकपा कार्यकारी अध्यक्ष पुष्पकमल दाहाल ‘प्रचण्ड’बीच बालुवाटारमा छलफल भएपनि सहमति हुन सकेन ।

नेकपा सचिवालय बैठक अनिर्णित रहेको समयमा स्थायी कमिटी बैठक सुरू भएको थियो । कात्तिक २८ गते बसेको सचिवालय बैठकमा प्रचण्डले ओलीलाई आरोप लगाउँदै राजनीतिक प्रस्ताव पेश गरेपछि नेकपा विवाद उत्कर्षमा पुगेको छ । 

मंसिर १३ गतेको बैठकमा ओलीले प्रचण्डलाई जवाफ पठाएपछि विवाद जटिल मोडतिर गएको छ । स्थायी कमिटी बैठकपछि पुस ५ गतेदेखि नेकपाको केन्द्रीय कमिटी बस्ने गरी तोकिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा