काठमाडौं – प्रधानमन्त्री केपी शर्मा ओली र राष्ट्रपति विद्यादेवी भण्डारीले एकलौटी रुपमा जारी गरेको संवैधानिक परिषदसम्बन्धी अध्यादेश ल्याएसँगै प्रमुख प्रतिपक्षी दल नेपाली कांग्रेसले आकस्मिक पदाधिकारी बैठक बोलाएको छ।

कांग्रेसले भोली बुधबार दिउँसो २ बजेको लागि पदाधिकारी बैठक बोलाएको कांग्रेसका सहमहामन्त्री डा.प्रकाशशरण महतले मिडियाडबलीलाई जानकारी दिए। ‘यो सरकार अधिनायकवाद तर्फ उन्मुख भयो। त्यसैले आज संवैधानिक परिषदसम्बन्धी अध्यादेश ल्याएको छ,’ उनले भने, ‘बैठक सभापति ज्यूको निवासमा बस्नेछ।’

महतले जनता र संविधान विरोधी अध्यादेश कांग्रेसले सदन र सडकको माध्यमबाट फिर्ता गराएरै छोड्ने पनि बताए। बुधबारको बैठकमा सोमबार देशभर भएको प्रदर्शनको समिक्षा पनि गरिने कांग्रेसले जनाएको छ।

आज मंगलबार बिहान प्रधानमन्त्रीले बोलाएको संवैधानिक परिषदको बैठकमा कांग्रेस सभापति शेरबहादुर देउवा गएपनि सभामुख अग्निप्रसाद सापकोटा अनुपस्थित हुँदा गणपुरण संख्या कम भएर स्थगित भयो। लगत्तै प्रधानमन्त्री ओलीले साँझ ६ बजेका लागि बैठक बोलाए। दिउँसो गणपुरक संख्या कम भएपनि पास हुने अध्यादेश ल्याएर ओलीले अहिले बैठक चलाइरहेका छन्। बैठकमा देउवा र सभामुख सापकोटा गएका छैनन। उक्त अध्यादेशको कांग्रेसले चौतर्फी विरोध गरिरहेको छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग