काठमाडौं – सत्तारुढ दल नेपाल कम्युनिस्ट पार्टी (नेकपा) २ अध्यक्ष केपी शर्मा ओली र पुष्पकमल दाहाल ‘प्रचण्ड’बीच संवादहीनता तोडिएको छ ।

प्रधानमन्त्री निवास बालुवाटारमा प्रचण्डलाई बोलाएर ओलीले सहकार्यको प्रस्ताव राखेका छन् । आफूहरू २ जना मिले सबै समस्या समाधान हुने र अरु नेतालाई महत्त्व नदिए पनि हुने आशय ओलीले व्यक्त गरेका हुन् ।

प्रधानमन्त्री ओलीले पार्टीभित्रको विवाद धेरै लम्ब्याउन नहुने र एकले अर्कालाई अविश्वास गर्ने तहबाट ओर्लेर सहमतिको आधार तय गरौं भन्दै प्रचण्डलाई सहकार्यको प्रस्ताव राखेका थिए । ओलीले पार्टीभित्र अनेकन समस्या रहेको बताउँदै तत्कालीन एमालेको समग्र पार्टीको संरचना अवस्था र नेताहरूको व्यवहारबारे पनि प्रचण्डलाई जानकारी गराएका थिए । 

‘दुई अध्यक्षबीच लामै कुराकानी भयो । उहाँहरू दुवैले व्यत्तिगत कुराकानी पनि गर्नुभयो, पार्टीको अवस्था र जनताको चासोबारे पनि कुराकानी गर्नुभयो । साथै पार्टी एकताको विषयमा पनि कुराकानी भएको छ । यसले सकारात्मक परिणाम ल्याउन अपेक्षा गरेका छौं,’ बालुवाटारनिकट एक नेताले भने ।

उनका अनुसार पात्र र प्रवृत्तिबारे पनि कुराकानी भएका छन् जसले गर्दा आगामी दिनमा सबै नेताहरूको व्यवहारबारे सबैलाई जानकारी हुनेछ ।

आफूहरू २ जना मिलेपछि सबै विषय टुंगो लाग्छन्, पार्टी र नेता कार्यकर्ताको हित पनि यसैमा हुन्छ भनेर ओलीले सहकार्यको प्रस्ताव राखेका थिए । प्रचण्डले मुन्टोमात्रै हल्लाएको केही नबोलेको स्रोतले बतायो ।

‘प्रधानमन्त्री ओलीले सहकार्यको प्रस्ताव राख्दा दाहालले हाँसेर मुन्टो मात्रै हल्लाउनुभयो, प्रतिक्रिया दिनुभएन,’ स्रोतले भन्यो । कात्तिक २८ गतेपछि अध्यक्षद्वयको भेट मंसिर १८ गते आधा घण्टा भएको थियो । त्यसपछि बुधवार मात्र भएको हो ।

बुधवारको भेटमा पनि प्रधानमन्त्री ओलीले २ अध्यक्ष मिलेर पार्टी एकीकरण भएका कारण अहिले पनि दुवै अध्यक्ष मिल्दा समस्या समाधान हुन्छ भनेका थिए । उनले वरिष्ठ नेता माधव नेपाल र झलनाथ खनाल, उपाध्यक्ष वामदेव गौतमको नाम नलिई अरु विषय छाडौं, अध्यक्षद्वयको सहकार्य आवश्यक छ, राष्ट्रले पनि यही खोजेको छ भन्दै सहकार्यको प्रस्ताव राखेको स्रोतको दाबी छ ।  

प्रधानमन्त्री ओलीले पार्टीका बैठकहरूमा आफूले हस्तक्षेप नगर्ने र महाधिवेशनमा एकल अध्यक्षको प्रस्ताव राखेर जाने विषय पनि उठाएका थिए ।  

प्रचण्डले भने विवाद पार्टीको बैठकमा पुगिसकेकाले त्यहीँबाट समाधान खोजौं, मिल्ने भए पनि त्यहीँबाट मिलौं, नमिल्ने भए पनि त्यहीँबाट फैसला गरौं भनेका थिए । त्यसपछि ओलीले पार्टी विभाजन गर्ने दिशातर्फ कोही पनि उन्मुख हुन नहुने भन्दै जोजोले पार्टीलाई एकताबद्ध बनाएको हो उनीहरूले पार्टीको नेतृत्व गर्न सक्छन अरुले सक्दैनन् भनेर दाहाललाई फकाउने कोसिस गरेका थिए ।

प्रधानमन्त्री ओलीले प्रचण्डसँग सहमतिका लागि पटक–पटक प्रयास गरिरहेका छन् । मंसिर १९ गते साँझ टेलिफोन वार्तासमेत गरेका थिए । त्यसपछि बुधवार उनीहरूबीच करीब २ घण्टा छलफल भएको थियो । ओली निकटका नेताहरूले पनि दाहालसँग धेरैपटक सहकार्यको प्रस्ताव राखिसकेका छन् । तर दाहालले खासै प्रतिक्रिया दिएका छैनन् । आजको नागरिक दैनिकमा समाचार प्रकाशित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा