काठमाडौं – सत्तारुढ नेपाल कम्युनिस्ट पार्टी (नेकपा) भित्र विवाद चर्किएर अध्यक्ष तथा प्रधानमन्त्री केपी शर्मा ओली अल्पमतमा परेका छन् । अर्का अध्यक्ष पुष्पकमल दाहाल ‘प्रचण्ड’ले ओलीलाई हटाउने गरी तयारी गरेको बालुवाटारको निष्कर्ष छ ।

प्रचण्डले तयार पारेर स्थायी कमिटी बैठकमा छलफलको प्रक्रियामा रहेको प्रतिवेदनमा ओलीले त्याग गर्नुपर्ने उल्लेख छ । अध्यक्ष प्रचण्ड र वरिष्ठ नेता माधवकुमार नेपाल पक्षको स्पष्ट बहुमत रहेको स्थायी कमिटीबाट प्रतिवेदन पारित भएमा ओलीले राजीनामा दिनुपर्नेछ ।

पार्टीभित्रै गम्भीर संकटमा रहेका बेला ओलीले भोलि मंगलबार सर्वदलीय बैठक बोलाएका छन् । पार्टीभित्र झमेला परेका बेला ओलीलाई अन्य दलले साथ देलान् ? राजनीतिक वृत्तमा बहस सुरू भएको छ ।

एकातिर देशभर राजावादीको आन्दोलन बढेको छ भने अर्काेतिर ओली पार्टीभित्रै अल्पमतमा परेका छन् । यस्तो गम्भीर संकटबाट मुक्ति पाउन ओलीले सर्वदलीय बैठक बोलाएको नेकपा स्रोतले जनाएको छ । तर पार्टीभित्रै कुरा नमिलाई अरुसँग सहयोग माग्नु उचित नहुने स्रोतले जनाएको छ ।

संसदमा प्रतिनिधित्व गर्ने राजनीतिक दलसँग छलफल गर्नका लागि ओलीले मंगलवार बिहान ११ बजेका लागि सर्वदलीय बैठक बोलाएका छन् । प्रधानमन्त्री ओलीका परराष्ट्र मामिला सल्लाहकार राजन भट्टराईले प्रधानमन्त्रीले मंगलवार बिहान ११ बजेका लागि सर्वदलीय बैठक बोलाएको जनाएका छन् ।

पछिल्लो समय देशभर राजवादीको आन्दोलन चर्किएपछि गणतन्त्र पक्षधरहरू एक ठाउँमा हुनुपर्नेमा जोड दिँदै आएका छन् । नेकपा नेता जनार्दन शर्माले राजावादीसँग ओली सरकारको साँठगाँठको शंका गर्दै स्थायी कमिटीमा छुट्टै प्रस्तावन नै पेश गरेका छन् । प्रधानमन्त्री ओलीको गृहजिल्ला झापासहितमा समेत राजावादीको ठूलो प्रदर्शन भइसकेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा