काठमाडौं - सरकार र आमरण अनसनरत डा.गोविन्द केसीका प्रतिनिधिबीच शुक्रबार मध्यराति वार्ता भाँडिएको छ ।

केसीको ज्यान लिने मनस्थितिका कारण सरकारी पक्षले वार्ता भाँडेको केसी वार्ता टोली संयोजक डा.जीवन क्षेत्रीले आरोप लगाएका छन् ।

दुवै पक्षमा सहमति भएको बुँदामा शिक्षामन्त्री गिरिराजमणि पोखरेलले आपत्ति जनाएपछि वार्ता निष्कर्षमा पुग्न नसकेको केसी पक्षका डा.जीवन क्षेत्रीले जानकारी दिएका छन् ।

शिक्षामन्त्री पोखरेलले वार्ता टोलीस्तरमा भएको सहमतिलाई अस्वीकार गरेपछि सरकार र केसीबीच हुनै लागेको सहमति भाँडिएको थियो । शिक्षामन्त्री पोखरेलले दुई वार्ता टोलीले बनाएको मस्यौदामा थप संशोधन गरेका थिए ।

उनले चिकित्सा शिक्षा ऐन संशोधनसम्बन्धी सहमतिमा केसीसँग सहमति भएको मिति राख्न चाहेका थिएनन् । साथै अहिले गर्न लागिएको सहमतिलाई मन्त्रिपरिषद् बैठकमा लैजाने भन्ने बुँदा पनि हटाउन लगाएका थिए ।

त्यही कारण हुनै लागेको सहमति भाँडिएको स्रोतले जनाएको छ । सहमतिको मस्यौदामा संशोधन गरेर हिँडेका शिक्षामन्त्री त्यसपछि सरकारी वार्ता टोलीसँग सम्पर्कमै आएनन् ।

२७ दिनदेखि अनशनरत केसीको स्वास्थ्य गम्भीर बन्दै गएको छ । उनको मुटुको चाल तलमाथि हुने, धड्कन बढ्ने छाती दुख्ने यही क्रम जारी रहेको खण्डमा कुनै पनि बेला मुटुको चाल रोकिएर हृदयाघात हुने जोखिम रहेको चिकित्सकले बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सरकारलाई १० दिने अल्टिमेटम दिएर अनसन बसेका डा.केसीलाई प्रहरीको अवरोध !

डा.गोविन्द केसीले अनशन स्थगित गर्दै जारि गरे यस्तो बिज्ञप्ति

कम्युनिस्ट सरकारको शासन, डा.गोविन्द केसी अघोषित नजरबन्दमा

डा. गोविन्द केसीले जुम्लामा सुरु गरे १९ औँ अनशन

डा. गाेविन्द केसीलाई काठमाडौँ पठाइयो, सत्याग्रहबारे दिए यस्ताे जानकारी

गोविन्द केसीसँग जसले जोरी खेल्छ ऊ सकिन्छ