राजनीतिक बिशेष
स्वास्थ्य संसदीय समिति गठन गर्नुपर्ने माग गर्दै गगन थापाको टोलीले बुझायो सभामुखलाई ध्यानाकर्षण पत्र
स्वास्थ्य संसदीय समिति गठन गर्नुपर्ने माग गर्दै गगन थापाको टोलीले बुझायो सभामुखलाई ध्यानाकर्षण पत्र
काठमाडौं- कोरोना भाइरसको माहामारीका कारण पर्न गएको संकट व्यवस्थापनका लागि स्वास्थ्य संसदीय समिति गठन गर्न सांसदहरुले आग्रह गरेका छन् ।
शुक्रबार सांसदहरुले सिंहदरबार पुगेर माहामारीका कारण उत्पन्न हुनसक्ने अवस्थाको विश्लेषण गर्न छुट्टै स्वास्थ्य संसदीय समितिको गठन गर्नुपर्ने माग राख्दै सांसदहरुले सभामुख अग्निप्रसाद सापकोटालाई ज्ञापनपत्र बुझाएका छन् ।
ज्ञापनपत्र बुझाउन जानेमा गगन थापा, भीमसेन दास प्रधान, रामकुमारी झाँक्री, राजेन्द्र श्रेष्ठ, शशि श्रेष्ठलगायत थिए । यो विषयमा सभामुख सकरात्मक रहेको सहभागी सांसदहरुले बताएका छन् ।
कोरोना भाइरसको माहामारीका कारण भएको निषेधाज्ञा कारण दैनिक ज्यालादारीमा मजदूरी गर्ने श्रमिक, उद्योगधन्दा, शैक्षिक संस्था, आम उपभोक्ता वर्ग तथा कोरोना नियन्त्रण र रोकथामतर्फ सेवा प्रवाह गर्ने स्वास्थ्यकर्मी र सुरक्षाकर्मीलगायत समस्यामा परेको ज्ञापनपत्रमा उल्लेख छ ।
‘हालको समस्या र तिनको व्यवस्थापनमा भइरहेका बेथितिको सम्बोधन गर्नेगरी कोभिडको अवस्था र प्रभावलाई मात्र अनुगमन गर्नेगरी सरकारलाई राय सुझाब दिन संसदीय समिति गठन गर्न पहल गर्नुपर्नेछ,’ समिति बनाउने विषयमा बुझाइएको ज्ञापनपत्रमा उल्लेख छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४