काठमाण्डौ । भारतमा हुने १९ वर्षमुनिको साफ च्याम्पियनशिप फुटबल प्रतियोगितामा नेपाल र भारत एकै समूहमा परेका छन् ।

काठमाण्डौमा हिजो सार्वजनिक गरिएको ‘ड्र’ मा नेपाल समूह ‘बी’ मा परेको हो । नेपालको समूहमा भारतसँगै श्रीलङ्का छ । त्यस्तै समूह ‘ए’ मा माल्दिभ्स, भुटान र साविक विजेता बङ्गलादेश छन् । यस प्रतियोगितामा पाकिस्तान भने सहभागी हुने छैन ।

भारतको अञ्चल प्रदेशमा हुने प्रतियोगिता आउँदो मे ९ देखि १८ तारिखसम्म हुने तय भएको छ । यसैबीच साफ च्याम्पियनशिपलाई होम एन्ड अवे प्रणालीमा लैजाने प्रस्ताव  अस्वीकृत भएको छ ।

दक्षिण एशियाली फुटबल फेडरेसन (साफ) को कार्य समितिको बैठकले होम एन्ड अवेको प्रस्तावलाई अस्वीकृत गरेको हो । बैठकमा बहुमत सदस्यले जसरी साफ च्याम्पियनशिप चलिरहेको छ, त्यही अनुसार गर्ने निर्णय गरेको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।