काठमाडौं - नेपाली कांग्रेसका महामन्त्री गगन थापाले अख्तियार दुरुपयोग अनुसन्धान आयोगको कार्यक्षमतामाथि प्रश्न उठेको बताएका छन् ।

बुधबार प्रतिनिधिसभाअन्तर्गतको राज्य व्यवस्था तथा सुशासन समितिको बैठकमा उनले अख्तियारले भ्रष्टाचारका ठूला काण्डलाई मिलाइदिने र ढाकछोप गर्ने गरेको गुनासो आउने गरेको उल्लेख गर्दै आयोगकै विश्वसनीयतामाथि प्रश्न उब्जेको बताए ।

‘अख्तियारले भ्रष्टाचारका ठूला काण्डलाई मिलाइदिन्छ र ढाकछोप गर्छ भन्ने धारणा बनेको छ,’ महामन्त्री थापाले भने, ‘यसले अख्तियारको कार्यक्षमतामाथि प्रश्न उठेको छ ।’

अख्तियारले लाख र करोडका भ्रष्टाचार मात्रै देख्ने तर अर्बौं भ्रष्टाचार नदेख्ने भन्दै नेपाली जनता नै आक्रोशित छन् । पछिल्लो समय अख्तियारले सय र हजार घुस, भ्रष्टाचारमा मात्र केन्द्रित भएको छ । महामन्त्री थापाले अख्तियारका प्रमुख आयुक्त र आयुक्त नियुक्तिको मापदण्ड नबदलेसम्म परिणाम नआउने स्पष्ट पारे ।

‘जरामै समस्या छ । नियुक्तिको भागबन्डा छ । नियुक्तिको मापदण्ड नबदली परिणाम दिँदैन,’ उनले भने, ‘नियुक्तिमा सार्वजनिक सुनुवाइ हुनुपर्छ ।’

राज्य व्यवस्था समितिले आजको बैठकमा अख्तियार प्रमुख प्रेमकुमार राईसहित पदाधिकारीलाई बोलाएको थियो । सांसदहरूले राखेको जिज्ञासाको उत्तर दिँदै राईले नापी, मालपोत कार्यालयमै घुस लेनदेन हुने गरेको बताए । उनले पछिल्लो समय विदेश बसेर भ्रष्टाचारका योजना बुन्ने गरेको दाबी पनि गरे ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आफु नेतृत्वमा पार्टी पराजित भए राजिनामा दिने भन्दै गगनले गरे सभापति लड्ने घोषणा !

देउवालाई गगन थापासहित १२ युवा नेताको चुनौती [ बिज्ञप्ति सहित ]

थापाको ओलीलाई प्रश्न : सिडिओलाई अगाडि सारेर कसरी कोरोना महामारी नियन्त्रण गर्न सकिन्छ ?

गगन थापाको गर्जन, सरकारले आफ्नो पतनको बाटो आफैं खनेको छ

गगन थापालाई कोरोना पोजेटिभ

प्रमज्यू ! अहिले मन्त्रिमण्डल भागबण्डाबारे होइन, संकटबारे छलफल गर्नुस् : गगन थापा