एमालेले निरन्तर संसद् अवरुद्ध गरेपछि राष्ट्रपति पौडेल आफैं अघि सरे
एमालेले निरन्तर संसद् अवरुद्ध गरेपछि राष्ट्रपति पौडेल आफैं अघि सरे
काठमाडौं - प्रमुख प्रतिपक्षी दल एमालेले सुन तस्करी प्रकरणमा उच्चस्तरीय समिति बनाउन माग गर्दै झन्डै एक महिनादेखि संसद् अवरुद्ध गर्दै आएको छ ।
छानबिन समिति वा आयोग नबनाएसम्म संसद् चल्न नदिने उसको अडान कायमै छ । जसकारण कार्यसूचीमै प्रवेश नगरी साउन महिना सकिएको छ ।
संसद् नबस्दा कानुन निर्माण प्रक्रियाका साथै मुलुकका जल्दाबल्दा समस्याबारे सांसदले सरकारको ध्यानाकर्षण गराउन सकेका छैनन् ।
यस्ता गतिविधिले मुलुकमा नकारात्मकता फैलने भन्दै संसद् अवरोध हटाउन राष्ट्रपति रामचन्द्र पौडेलले चासो देखाएका छन् ।
उनले बुधबार एमाले अध्यक्ष केपी ओलीसँग भेट गरी संसद् अवरोध हटाउन सल्लाह दिएका थिए । त्यसअघि उनले सभामुख देवराज घिमिरेलाई पनि भेटेका थिए । राष्ट्रपति भइसकेपछि पौडेलले सबै दलको नेताहरुलाई भेटेका पनि छैनन् ।
सबैसँग भेटघाट गरेर अहिलेको परिस्थिति बुझ्नका लागि पौडेलले इच्छा राखेको बुझिएको छ । राष्ट्रपति भएको केही समयदेखि नै विरामी परेकाले पौडेल त्यति सक्रिय देखिएका छैनन् ।
संसदको गतिरोध हटाउने विषयमा सत्तारुढ दलले निर्णयसमेत गरिसकेका छन् । सत्ता पक्ष र प्रतिपक्षको बैठक राख्ने काम सभामुखको पनि हो । तर सभामुख देवराज घिमिरे एमालेसँग मिलेको आशंका गरिएको छ ।
सोही कारण संसद्को गतिरोध हटाउने विषयमा छलफल गर्न राष्ट्रपति पौडेलले सर्वदलीय बैठक बोलाउने तयारी गरेका छन् । राष्ट्रपति कार्यालयका अनुसार भदौको पहिलो साता बैठक बोलाउने तयारी छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४