काठमाडौं - राष्ट्रपति रामचन्द्र पौडेल स्वास्थ्यलाभ गरेर सार्वजनिक कार्यक्रममा देखिन थालेका छन् ।

वैशाख र जेठ महिना धेरैजसो समय अस्पतालमै बिताएका पौडेल अहिले निको हुँदै गएका छन् । एकैपटक छाती, मुटु र पेटमा समस्या देखिएपछि उनको नेपाल र भारतका विभिन्न अस्पतालमा उपचार भएको थियो ।

उनको छाती र पेटको उपचार नयाँदिल्लीस्थित एम्स अस्पतालमा भएको थियो । मुटुको शल्यक्रिया भने गंगालाल हृदय केन्द्र र मनमोहन कार्डियोथेरासिक प्रत्यारोपण केन्द्रमा गरिएको थियो ।

मुटुको उपचार गरेर उनी लामो समयसम्म शीतल निवासमै आराम गरेर बसेका थिए । सार्वजनिक कार्यक्रममा त्यति देखिएका थिएनन् । शुक्रबार भने उनी बिहानै ललितपुरको पाटन दरबारमा देखिए ।

उनले पाटनस्थित कृष्ण मन्दिरको दर्शन गरेका छन् । राष्ट्रपति पौडेलले सुन्दरी चोक, मूलचोक र केशवनारायण चोकसहित पाटन सङ्ग्रहालयको समेत अवलोकन गरेको उनका प्रेस सल्लाहकार किरण पोखरेलले जानकारी दिए ।

सो अवसरमा राष्ट्रपति पौडेललाई पाटन दरबार क्षेत्रमा ललितपुर महानगरपालिकाका प्रमुख चिरीबाबु महर्जनले स्वागत गरेका थिए ।

पौडेल कृष्ण मन्दिर पुग्दा सिमसिम पानी परिरहेको थियो । पौडेलले आफैं कालो छाता बोकेर मेयर महर्जनलाई ओढाएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेतृत्व कमजोर हुँदा काँग्रेस कमजोर भयो : वरिष्ठ नेता पौडेल 

प्रकाशमानले सभापतिमा लड्ने घोषणा गरेपछि झस्किए रामचन्द्र, बोहोराटारमा सन्नटा! 

रेलको नाममा ३५ अर्बको भ्रष्टाचार, कांग्रेस नेता रामचन्द्र पौडेलले गरे पर्दाफास !

कांग्रेस नेता पौडेलले एकाबिहानै पूर्वराजाको तस्विर हालेर फेसबुकमा लेखे यस्तो, सन्देश केहो ?

कांग्रेस सभापति देउवाविरुद्ध खरो रुपमा उत्रदै पौडेल पक्ष

कांग्रेस नेता पौडेलको बिज्ञप्तिले काम गर्यो, अर्बौं रुपैयाँ खाने प्रपञ्चमा ब्रेक !