काठमाडौं - नेपाली कांग्रेसका महामन्त्री गगन थापाले विश्वविद्यालयलाई शतप्रतिशत राजनीतिबाट टाढा राख्नुपर्ने बताएका छन्।

सोमबार स्व. गिरिजाप्रसाद कोइरालाको १००औँ जन्मजयन्तीको अवसरमा काठमाडौँमा आयोजित कार्यक्रममा उनले राजनीतिक दलको झोला बोकेर विश्वविद्यालय छिर्न पाइँदैन भन्ने कुरालाई स्थापित गर्नुपर्ने बताए ।

दलको झोला बोकेर विश्वविद्यालय छिर्न पाइँदैन भन्ने कुरालाई अन्त्य नगरेसम्म विश्वविद्यालय माथि उठ्न नसक्ने थापाको भनाइ छ ।

उनले कुनै पनि दलको झोला बोक्ने प्राध्यापक, विद्यार्थी, कर्मचारी कसैलाई पनि विश्वविद्यालयले चिन्दैन भन्ने कुरा स्थापित गर्नुपर्नेमा जोड दिए।

‘हाम्रो विश्वविद्यालयलाई अब राजनीतिक दलसँग शतप्रतिशत अलग गर्नुपर्छ। हाम्रा प्राध्यापक, कर्मचारी, विद्यार्थीहरू राजनीतिक रूपमा सचेत छन्, त्यहाँ प्रतिष्पर्धा हुन्छ, त्यहाँ सबै हुन्छ तर दलको झोला बोकेर विश्वविद्यालय छिर्न पाइँदैन भन्नेकुरालाई अन्त्य गर्नैपर्छ। होइन भने यो पापले हामीलाई यति थिच्छ, हामीले मुक्ति पाउँदैनौँ। संघीय शिक्षा ऐनजस्तै विश्वविद्यालय ऐन ल्याउनुपर्छ र त्यसमै कुनै पनि दलको झोला बोक्ने प्राध्यापक, विद्यार्थी, कर्मचारी कसैलाई पनि विश्वविद्यालयले चिन्दैन भन्नुपर्छ।

होइन भने विश्वविद्यालय माथि उठ्न सक्दैन,’ महामन्त्री थापाले भने । थापाले विद्यार्थीलाई राजनीतिबाट अलग राख्नुपर्ने भन्दै भ्रातृसंगठन नबनाउन प्रस्ताव गरेका छन् ।

उनले विद्यार्थीलाई राजनीतिमा सामेल गराएसम्म देशको विकास हुन नसक्ने भन्दै भ्रातृसंगठन बनाउन नहुने धारणा राख्दै आएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आफु नेतृत्वमा पार्टी पराजित भए राजिनामा दिने भन्दै गगनले गरे सभापति लड्ने घोषणा !

देउवालाई गगन थापासहित १२ युवा नेताको चुनौती [ बिज्ञप्ति सहित ]

थापाको ओलीलाई प्रश्न : सिडिओलाई अगाडि सारेर कसरी कोरोना महामारी नियन्त्रण गर्न सकिन्छ ?

गगन थापाको गर्जन, सरकारले आफ्नो पतनको बाटो आफैं खनेको छ

गगन थापालाई कोरोना पोजेटिभ

प्रमज्यू ! अहिले मन्त्रिमण्डल भागबण्डाबारे होइन, संकटबारे छलफल गर्नुस् : गगन थापा