काठमाडौं - नेपाली कांग्रेसका महामन्त्री गगन थापा कार्यकर्ताको मत बुझ्न भन्दै देशव्यापी अभियान चलाउने तयारीमा छन् ।

आगामी आर्थिक वर्षको बजेट आएलगत्तै उनी देश दौडाहमा जाने भएका हुन् । महामन्त्री थापाले वैशाख २४ गते ‘अब त अति भो’ भन्दै विद्रोहको शंखघोष गरेका थिए । उनले त्यसो भनेको दुई साताभन्दा बढी भइसकेको छ ।

यसबीचमा नक्कली शरणार्थी प्रकरण र सरकारको नीति तथा कार्यक्रमले गर्दा थापा बाहिर निस्कन सकेका छैनन् । संसदीय फाँटका काम चाँडै टुंग्याएर लामो समय काठमाडौंबाट बाहिर निस्केर एकपटक देशभर घुम्ने तयारीमा आफू रहेको उनले बताएका छन् ।

काठमाडौंमा बसेर नियमित कामकारबाहीबाट अहिलेको समस्याको समाधान निकाल्न सकिए पनि संकटबाट कांग्रेसलाई पार लगाउन नसकिने निष्कर्षसहित आफू अभियानमा निस्कन लागेको उनको भनाइ छ ।

सभापति शेरबहादुर देउवाबाट अब कांग्रेस चल्न नसक्ने उनको निष्कर्ष छ । पार्टी हजारौं वडा, तीन सयभन्दा बढी स्थानीय तहको नेतृत्वमा, ६ वटा प्रदेश सरकार र केन्द्रीय सरकारमा सहभागी भए पनि कार्यकर्तामा कुनै उत्साह नदेखिएको उनको भनाइ छ ।

महामन्त्री थापाले अब आफू सभापति बने वा नबने पनि पार्टीको भविष्य र कार्यकर्ता शुभेच्छुका लागि पनि बोल्ड निर्णय गर्नुपर्ने अवस्थामा पुगेको बताउँछन् ।

लामो समयदेखि पार्टीमा देखिएका समस्या समाधानका लागि केन्द्रीय कार्यसमिति बैठक बोलाउन सभापति देउवाले अस्वीकार गर्दै आएका छन् ।

त्यसैले लोकतान्त्रिक पार्टीका सभापतिबाट भएका अलोकतान्त्रिक कदमविरुद्ध कार्यकर्ताको मत बुझ्न भन्दै देशव्यापी अभियान चलाउने तयारीमा महामन्त्री थापा  जुटेका हुन् ।

उनले यो अभियानलाई पार्टी रूपान्तरण संघर्षका रूपमा लिएका छन् । कांग्रेसमा अहिलेजस्तो संकटको अवस्था यसअघि कहिल्यै नदेखिएको उनको भनाइ छ ।

‘संघ, प्रदेशको सरकारमा कांग्रेस छ । तीन सयभन्दा बढी स्थानीय तह कांग्रेसले जितेको छ । हजारौं वडामा कांग्रेसको नेतृत्व छ । यो त एक प्रकारले ‘सेलिब्रेसन’ गर्ने बेला हो तर पार्टीका सदस्यहरूमा छटपटी, निराशा, व्याकुलता र आक्रोश छ,’ थापा भन्छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आफु नेतृत्वमा पार्टी पराजित भए राजिनामा दिने भन्दै गगनले गरे सभापति लड्ने घोषणा !

देउवालाई गगन थापासहित १२ युवा नेताको चुनौती [ बिज्ञप्ति सहित ]

थापाको ओलीलाई प्रश्न : सिडिओलाई अगाडि सारेर कसरी कोरोना महामारी नियन्त्रण गर्न सकिन्छ ?

गगन थापाको गर्जन, सरकारले आफ्नो पतनको बाटो आफैं खनेको छ

गगन थापालाई कोरोना पोजेटिभ

प्रमज्यू ! अहिले मन्त्रिमण्डल भागबण्डाबारे होइन, संकटबारे छलफल गर्नुस् : गगन थापा