काठमाडौं - राष्ट्रपतिको निर्वाचन फागुन २५ गते हुँदैछ । त्यसका लागि फागुन १३ गते मनोनयन दर्ताको कार्यसूची छ ।

राष्ट्रपतिमा एकाएक एकीकृत समाजवादीका अध्यक्ष माधवकुमार नेपालको नाम अघि सारिएपछि माओवादी केन्द्रका नेताहरू आफैं आश्चर्यमा परेका छन् ।

एमालेले आफूले राष्ट्रपति नपाउने अवस्थामा केपी ओलीले धेरै खेलोफड्को गर्नसक्नेमा माओवादी अध्यक्ष एवं प्रधानमन्त्री पुष्पकमल दाहाल प्रचण्ड ढुक्क नै थिए ।

प्रचण्डले नेपाली कांग्रेसका सभापति शेरबहादुर देउवा नेतृत्वको टोलीसँग पनि यसबारे छलफल गरेका थिए । त्यही भएर अहिले कांग्रेसले राष्ट्रपतिको उम्मेदवारबारे कुनै छलफल नै गरेको छैन ।

स्रोतका अनुसार एमाले अध्यक्ष ओलीले धेरै चलखेल गर्नसक्ने भएकाले कांग्रेसले तत्काल पदाधिकारी वा केन्द्रीय समितिको बैठक नबोलाएको हो ।

प्रधानमन्त्री प्रचण्डले सोमबार पदाधिकारी बैठक राखेर राष्ट्रपतिको उम्मेदवारबारे निर्णय गर्ने अधिकार आफूले लिइसकेका छन् ।

बैठकले औपचारिक निर्णय गर्दा सबै कुरा खुल्ने र सूचना ओलीकहाँ पुग्ने सुइँको पाएपछि प्रचण्डले फागुन १३ गते बिहान मात्र औपचारिक निर्णय गर्ने बुझिएको छ ।

नेपाली कांग्रेससँगको गठबन्धनमा चुनाव जितेको तर एमालेसँगको गठबन्धनबाट प्रधानमन्त्री बनेका प्रचण्ड अहिले नैतिक संकटमा छन् । अहिलेको गठबन्धन जोगाउने कि पुरानो गठबन्धन ब्यूँताउने भन्ने उनले निर्णय गर्न सकेका छैनन् । आफूलाई विश्वासको मत दिएकाले कांग्रेसलाई पनि नचढ्यिाउने प्रचण्डको चाहना छ ।

त्यसमा पनि केपी ओलीको दबाब र अहंकारलाई साइजमा राख्न कांग्रेसलाई प्रचण्डले ब्याक फोर्स राखिरहेका छन् । त्यसैले उनले राष्ट्रपति निर्वाचनसम्म दुवैलाई नचिढ्याइकनै साथसाथै लगिरहेका छन् ।

प्रचण्डले राष्ट्रपतिमा साथ दिने बचन दिएकैले कांग्रेसले विश्वासको मत दिएको प्रस्ट भइसकेको छ । पुस २६ गते प्रधानमन्त्रीलाई विश्वासको मत दिने बेलामा एमाले अध्यक्ष केपी ओलीले कांग्रेसले केही पाइन्छ कि भनेर ढोक्सा थापेको हो भने रित्तै हुने, माछा नपर्ने अभिव्यक्ति दिएका थिए । राजनीति सरल ढंगले अघि बढ्दैन ।

यसबीचमा प्रधानमन्त्री प्रचण्डसँग घुर्की लगाउँदै साथ दिइरहेका माधव नेपाल एक्कासि केपी ओलीको कोटाबाट राष्ट्रपतिको उम्मेदवार हुने चर्चा चलेसँगै नयाँ परिस्थितिको विकास भएको छ ।

अहिले माधव नेपाल राष्ट्रपतिको उम्मेदवार भएमा प्रचण्डलाई पनि नैतिक संकट पर्ने र त्यसले नेपाली कांग्रेसले थापेको ढोक्सा रित्तै पर्ने भन्दै सामाजिक सञ्जाल रंगीन थालेको छ ।

कांग्रेसले राष्ट्रपतिका लागि थापेको ढोक्सामा माछा पर्ने कि नपर्ने भन्ने प्रधानमन्त्री प्रचण्डकै हातमा छ । प्रचण्डले साथ दिएमा आरामले कांग्रेसले राष्ट्रपति जित्छ । नदिएमा कांग्रेसले थापेको ढोक्सा रित्तै हुन्छ ।

बालुवाटार निकट स्रोतका अनुसार प्रधानमन्त्री प्रचण्ड राष्ट्रपति निर्वाचनमा एउटा गठबन्धन र सरकार सञ्चालनमा अर्को गठबन्धन गरेर हिँड्ने तयारीमा छन् । यसरी हिँड्दा एमाले बिच्केमा त्यसको परिपूरणका लागि ब्याक फोर्स पनि सँगै राखेको नेताहरू बताउँछन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध