काठमाडौं - असोजमा राष्ट्रिय सभामा एमालेका सांसद खिमलाल भट्टराईको पद गुम्यो ।

लुम्बिनीको मुख्यमन्त्री बन्ने लोभमा प्रदेश सभा सदस्य उठ्न राष्ट्रिय सभा सदस्य पदबाट राजीनामा दिएका भट्टराई न प्रदेश सांसद बन्न सके, न पहिलेको पद नै बाँकी रह्यो । राष्ट्रपति निर्वाचनका लागि मध्यनजर गर्दै निर्वाचन आयोगले रिक्त राष्ट्रिय सभा सदस्यको निर्वाचन गरायो ।

दुई साताअघि सम्पन्न निर्वाचनमा एमालेका कुमार दसौदी निर्वाचित भए । उनले नेपाली कांग्रेसका उम्मेदवार माधवप्रसाद आचार्यलाई तीन सय मतान्तरले पराजित गरे । लुम्बिनी प्रदेशमा स्थानीय तहको प्रमुख र उपप्रमुख, प्रदेश सभा सदस्यको मतभारअनुसार एमाले–माओवादी गठबन्धनको ४६ सय हुनुपर्ने हो ।

तर, एमालेका दसौंदीले चार हजार मत प्राप्त गर्न सके । एक स्थानीय तह प्रमुखबाहेक सबैले मतदान गरेका थिए । कांग्रेसका उम्मेदवार आचार्यले ३७ सय मत ल्याए । सत्ता गठबन्धनका उम्मेदवार र कांग्रेसका उम्मेदवारबीच तीन सय मतको अन्तर देखिएपछि एमाले अध्यक्ष केपी ओली निकै झस्किन पुगे ।

हिसाबकिताबमा माहिर ओलीले ६ सय मत माओवादीबाटै फ्लोर क्रस भएको अनुमान लगाए । ओलीले लुम्बिनीबाट राष्ट्रियसभाको उपचुनावमा माओवादीका सबै भोट नआएको हिसाब देखाएर धोका पाएको प्रधानमन्त्री पुष्पकमल दाहाल प्रचण्डसँग गुनासो गर्दै आएका छन् ।

विगतमा लिखित सहमति पालना नगरेर पार्टीमा विग्रह ल्याएको आरोप खेपेका ओली अहिले भोटको हिसाब देखाइ–देखाइ माओवादीले सहमति पालना नगरेको भन्दै असन्तुष्ट छन् ।

ओलिले  लुम्बिनीकै नियति राष्ट्रपति निर्वाचनमा पनि दोहोरिने आशंका गरेका छन् । त्यही भएर राष्ट्रपतिमा ओली ढुक्क देखिएका छैनन् । माओवादीप्रति सशंकित छन् । ओली दिनदिनै बालुवाटार धाएको हिसाबले राष्ट्रपतिमा कुरा मिलेको छैन भन्ने प्रष्टै बुझिन्छ ।

एमाले कार्यकर्ताको भाषा जुन बाहिर आएको छ, त्यसले पनि उनीहरूमा आशंका रहेको देखिन्छ । पुस १० गते प्रचण्डले एमालेलाई राष्ट्रपति दिने सहमति गरेकाले त्यसबाट पछि हटे माओवादी ‘डाइनोसर’ हुने उनीहरूको तर्क सुनिन्छ ।

तर, गठबन्धन टुट्दा केन्द्रदेखि प्रदेशसम्मै सत्ताबाट बाहिरिने अवस्थाले आफैँ डाइनोसर हुँदै गरेको पीडाबोध उनीहरूका अभिव्यक्तिमा झल्किन्छ । राष्ट्रपतिको निर्वाचनमा कांग्रेसलाई १५ सय मत मात्र क्रस भए पुग्छ ।

लुम्बिनीको राष्ट्रिय सभा सदस्यको उपचुनावमा माओवादीले ६ सय मत क्रस गरेकाले राष्ट्रपतिको निर्वाचनमा १५ सय मत क्रस हुने सम्भावना रहेको भन्दै ओली चिन्तित देखिएका छन् । सोही कारण सत्ता गठबन्धनमा भएर पनि ओलीले राष्ट्रपतिको उम्मेदवार घोषणा गर्न सकेका छैनन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध