सुदूरपश्चिम प्रदेश सरकार ढलेपछि ओलीले उच्चस्तरीय राजनीतिक संयन्त्रको बैठकमा प्रचण्डको झाँको झार्ने
सुदूरपश्चिम प्रदेश सरकार ढलेपछि ओलीले उच्चस्तरीय राजनीतिक संयन्त्रको बैठकमा प्रचण्डको झाँको झार्ने
काठमाडौं - सुदूरपश्चिम प्रदेश सरकार ढलेपछि एमाले अध्यक्ष केपी ओली तनावमा परेका छन् ।
आफ्ना विश्वास पात्र राजेन्द्रसिंह रावलको मुख्यमन्त्री पद चैट भएपछि ओली रनाहामा परेका हुन् । एमाले र माओवादीसँग गठबन्धन हुँदा पनि सुदूरपश्चिम प्रदेशमा नागरिक उन्मुक्ति पार्टीले सरकारलाई सहयोग गरेन । जसकारण सरकार बनेको एक महिनामै एमाले नेतृत्वको सरकार ढलेको छ ।
प्रधानमन्त्री पुष्पकमल दाहाल प्रचण्डलाई पुस २६ गते विश्वासको मत दिने बेला एमाले अध्यक्ष ओलीले संसदलाई सम्बोधन गर्दै भनेका थिए– ‘नेपाली कांग्रेसले प्रधानमन्त्रीलाई विश्वासको मत दिने निर्णय गरेको छ । आवश्यक नभए पनि सरकारलाई विश्वासको मत दिने नदिने उसको कुरा हो ।
तर केही पाउँछु कि भनेर ढोक्सा थापेको भए रित्तै हुनेछ । ढोक्सामा माछा पर्ने छैन ।’ तर, उनले त्यसो भनेको एक महिनामै कांग्रेसको ढोक्सामा माछा परेको छ । सुदूरपश्चिा प्रदेशको मुख्यमन्त्रीमा नेपाली कांग्रेसका संसदीय दलको नेता कोमलबहादुर शाह नियुक्त भएका छन् ।
उनले आज पद तथा गोपनीयताको शपथ लिँदैछन् । बहुमत हुँदाहुँदै पनि सुदूरपश्चिम प्रदेश सरकार ढलेपछि सत्तागठबन्धनको उच्चस्तरीय राजनीतिक संयन्त्रको बैठक बस्दैछ । बैठक शुक्रबार बिहान ९ बजे प्रधानमन्त्रीको सरकारी निवास बालुवाटारमा बस्ने भएको छ ।
यसअघि बिहीबार दिउँसो ३ बजेका लागि बोलाइएको बैठक नेताहरुको कार्यव्यस्ततालाई देखाउँदै स्थगित गरिएको थियो । बैठक स्थगित गरेर प्रधानमन्त्री पुष्पकमल दाहाल प्रचण्ड र एमाले अध्यक्ष केपी ओलीबीच मात्र छलफल भएको थियो ।
आजको बैठकमा राष्ट्रिय स्वतन्त्र पार्टी सरकारबाट बाहिरिएपछिको अवस्था, राष्ट्रपति निर्वाचन, मन्त्रिपरिषदलाई पूर्णता दिने, सुदूरपश्चिममा सरकार ढलेपछि उत्पन्न राजनीतिक घटनाक्रमलगायत राजनीतिक विषयमा छलफल हुने बताइएको छ ।
तर, आजको बैठकमा ओलीले प्रधानमन्त्री प्रचण्डको झाँको झार्ने स्रोतले बतायो । सुदूरपश्चिम सरकार बचाउन प्रचण्डले कुनै भूमिका नखेलेको ओलीको आरोप छ । कांग्रेस नेतृत्वको सरकार बन्नुमा अप्रत्यक्ष रूपमा प्रचण्डको भूमिका पनि रहेको एमाले नेताहरूले आशंका गरेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४