काठमाडौं - राष्ट्रपति विद्यादेवी भण्डारीले पुस १० गतेसम्म प्रधानमन्त्रीमा दाबी गर्न आह्वान गरेपछि अहिले दलहरू धमाधम संसदीय दल चयनमा लागेका छन् ।

नेपाली कांग्रेसबाहेक कुनै पनि पार्टीमा दलको नेता चयनमा समस्या छैन । एकीकृत समाजवादी, रास्ट्रीय स्वतन्त्र पार्टी, जनमत पार्टीले दलको नेता चयन गरिसकेका छन् ।

एमालेमा केपी ओली र माओवादी केन्द्रमा पुष्पकमल दाहाल प्रचण्ड अनि राप्रपामा राजेन्द्र लिङ्देन निर्विकल्प हुन् । तर, कांग्रेसमा भने को संसदीय दलको नेता बन्ने भन्ने महाभारत छ । कांग्रेसमा प्रधानमन्त्री शेरबहादुर देउवा, नेता शेखर कोइराला र महामन्त्री गगन थापा दलको नेताका आकांक्षी हुन् ।

संस्थापन पक्षबाट देउवा एक्लै र इतरबाट कोइराला र थापा इच्छुक रहेकाले सम्भवतः बुधबार हुने निर्वाचनमा देउवा नै दलको नेता बन्ने प्रबल सम्भावना छ । देउवा फेरि पनि प्रधानमन्त्री बन्ने दौडमा छन् । देउवाको यो छैटौंपटक प्रधानमन्त्रीको कीर्तिमान हुनेछ । तर अहिले दुई नेता ह्याट्रिकको दाउमा छन् ।

उनीहरू हुन् केपी ओली र प्रचण्ड । दुवै दुई दुईपटक प्रधानमन्त्री भइसकेका छन् । ओलीले पहिलो कार्यकाल नौ महिना र दोस्रो साढे तीन वर्ष बिताएका थिए । प्रचण्ड पहिलो र दोस्रो कार्यकाल नौ नौ महिना बिताएका थिए । अहिले ओली र प्रचण्ड दुवै तेस्रोपटक प्रधानमन्त्री बनाउने दाउमा छन् ।

कुनै पनि दलले बहुमत नल्याएकाले ओली र प्रचण्ड आफूले पनि प्रधानमन्त्रीमा दाबी गरेका हुन् । ८९ सिट ल्याएर कांग्रेस पहिलो दल भए पनि सरकारको नेतृत्व गर्ने नगर्ने निश्चित छैन । एमालेले ७८ सिट ल्याएको छ । ओली अहिले माओवादीलाई गठबन्धनबाट अलग्याएर उसकै समर्थनमा प्रधानमन्त्री बन्न चाहन्छन् ।

यसअघि पनि ओली यसरी नै प्रधानमन्त्री भइसकेका थिए । तर जब प्रचण्डले आधा कार्यकाल पाउनुपर्ने दाबी गरे ओलीले संसद् नै विघटन गरिदिए । प्रचण्ड अहिले फेरि तिनै ओलीको ललिपपमा भुल्ने अवस्थामा पुगेका छन् । र, एमालेसँग पनि समानान्तर संवाद गरिरहेका छन् ।

एमालेले प्रधानमन्त्री बनाइदियो भने पहिलो चरणमै खाने दाउमा उनी छन् । तर, ३२ सिट ल्याएको माओवादीलाई स्वीकार्ने कि नस्वीकार्ने भन्ने एमालेमा एकमत छैन । धेरैले प्रचण्डलाई प्रधानमन्त्री बनाउनै हुँदैन भनिरहेका छन् ।

तर विष्णु पौडेल, सुवास नेम्वाङहरू प्रचण्डलाई प्रधानमन्त्री स्वीकार्न सकिने मनस्थितिमा छन् । त्यही भएर अहिले ओली र प्रचण्डमध्ये कसले ह्याट्रिक गर्लान् भन्ने चासो देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध