काठमाडौं - नागरिकता विधेयकका कारण राष्ट्रपति विद्यादेवी भण्डारी नैतिक संकटमा परेकी छन् ।

प्रतिनिधिसभा र राष्ट्रिय सभाले बहुमतले पारित गरेको विधेयक राष्ट्रपति भण्डारीले प्रमाणीकरण नगरी सन्देशसहित संसद्मै फिर्ता पठाएकी थिइन् ।

तर, राष्ट्रपतिले फिर्ता पठाएको विधेयक गठबन्धन सरकारले एक अक्षर पनि थपघट नगरी जस्ताको तस्तै प्रतिनिधिसभाबाट पारित गरेका छन् । भदौ १२ गते बस्ने राष्ट्रिय सभाबाट पनि सो विधेयक पारित गर्ने र प्रमाणीकरणका लागि पुनः राष्ट्रपतिसमक्ष पठाउने तयारी छ ।

संसद्ले नागरिकता विधेयक जस्ताको तस्तै पारित गरी प्रमाणीकरण गर्न शीतल निवास पठाउने भएपछि राष्ट्रपति भण्डारी चरम संकटमा परेकी हुन् । अब उनी विधेयक प्रमाणीकरण गर्ने कि राजीनामा दिएर शीतल निवासबाट बाहिरिने भन्ने द्विविधामा परेकी छन् ।

यतिबेला उनी केही दरबारिया कानुन व्यवसायी र कथित नागरिक समाजका अगुवासँग विधेयकबारे परामर्शमा जुटेकी छन् । खासगरी अहिले राष्ट्रपति भण्डारीलाई केही मण्डले र एमालेका नेताले उचालिरहेका छन् ।

जसकारण उनी राजीनामा दिने मनस्थितिमा रहेको भनेर समाचार बाहिर ल्याइएको छ । नागरिकता विधेयकमा दोहोरो चरित्र देखाएकाले आगामी निर्वाचनमा मधेस प्रदेशमा एमाले बढारिने निश्चित छ ।

राष्ट्रपतिले राजीनामा दिएर बाहिरिने संकेत दिएपछि सम्भावित दुर्घटना हुन नदिन एमाले अध्यक्ष केपी ओली सक्रिय भएका छन् । ओली बुधबार बिहान प्रधानमन्त्री शेरबहादुर देउवा भेट्न बालुवाटार पुगेका छन् ।

ओलीले प्रधानमन्त्री देउवासँग आगामी निर्वाचनसम्म नागरिकता विधेयक अघि नबढाउन र हाललाई स्थगन गर्न प्रस्ताव गरेको स्रोतले बतायो ।

एमालेकै आग्रहका कारण सभामुखले एक साताका लागि प्रतिनिधिसभा बैठक पर सारेका छन् । प्रधानमन्त्री देउवाले भने यस विषयमा गठबन्धन दलका नेताहरूसँग छलफल गर्ने जवाफ दिएको बुझिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध