राजनीतिक बिशेष
प्रधानमन्त्रीको कुर्सीबाट झरेको नौ महिनापछि ओलीले बल्ल पाए चाल, प्रचण्डकै डरले थुरुरु भएको स्वीकार
प्रधानमन्त्रीको कुर्सीबाट झरेको नौ महिनापछि ओलीले बल्ल पाए चाल, प्रचण्डकै डरले थुरुरु भएको स्वीकार
काठमाडौं - अन्ततः एमाले अध्यक्ष केपी ओलीले माओवादी केन्द्रका अध्यक्ष पुष्पकमल दाहाल प्रचण्डकै डरले आफूले संसद् विघटन गरेको स्वीकार गरेका छन् ।
तत्कालीन नेकपाका द्वितीय अध्यक्ष प्रचण्डले पार्टी नै कब्जा गर्न लागेको चाल पाएपछि आफूले संसद् विघटन गर्नुपरेको ओलीले प्रस्टीकरण दिएका छन् ।
बुधबारदेखि सुरु भएको एमाले केन्द्रीय समितिको बैठकमा ओलीले प्रस्तुत गरेको राजनीतिक प्रतिवेदनमा सो कुरा उल्लेख छ ।
ओलीको यो स्वीकारोक्तिले उनलाई प्रचण्डसँग कति धेरै डर रहेछ भन्ने पनि पुष्टि गर्छ । एमाले र माओवादी केन्द्रबीच एकता भई बनेको नेकपामा ओली प्रथम र प्रचण्ड द्वितीय अध्यक्ष थिए ।
कार्यकारी अधिकार भने सबै ओलीले मात्र प्रयोग गर्दै आएका थिए । पार्टी एक भए पनि ओलीको स्वेच्छाचारिता निकै बढेको थियो ।
जसकारण नेकपामा तीव्र ध्रुवीकरण सुरु भयो । माधवकुमार नेपाल, झलनाथ खनाल, वामदेव गौतम, भीम रावल, अष्टलक्ष्मी शाक्य, युवराज ज्ञवालीलगायत प्रभावशाली नेताहरूले प्रचण्डलाई साथ दिए ।
त्यसपछि सुरु भयो नेकपामा विवाद । विवाद बढ्दै जाँदा तत्कालीन प्रधानमन्त्रीसमेत रहेका ओलीले प्रतिनिधिसभा नै विघटन गरिदिए । एकचोटि मात्र होइन दुई दुईपटक ।
पार्टीभित्रै यस्तो विवाद बढ्यो कि उनीहरूसँगै बस्नै नसक्ने अवस्था आयो । सर्वोच्च अदालतले पनि तत्कालीन नेकपालाई खारेज गरिदियो । त्यसपछि एमाले र माओवादी केन्द्र अलग अलग भए ।
माओवादीका थुप्रै नेता ओलीले आफ्नै साथमा राखे । उता एमाले पनि केही समयपछि विभाजन भयो । अहिले माधवकुमार नेपाल, झलनाथ खनाल एकातिर छन् ।
ओलीलगायत अरु अर्कोतिर छन् । वामदेव गौतमले एमाले नै परित्याग गरिसकेका छन् । हिजोसम्म एकढिक्का भएको कम्युनिस्ट पार्टी अहिले छिन्नभिन्न भएपछि ओलीले प्रचण्डको भयबारे स्वीकार गरेका छन् ।
प्रचण्ड कतिसम्म कुटिल र चतुर रहेछन् भन्ने ओलीले प्रधानमन्त्रीको कुर्सीबाट झरेको नौ महिनापछि मात्र चाल पाएका छन् ।
यदि नेकपा अहिले पनि हुन्थ्यो भने त्यो पार्टीबाट ओलीलाई प्रचण्ड र माधव नेपालले मिलेर निकालिसकेका हुने एमाले नेताहरू बताउँछन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४