काठमाडौं - सामान्यतः प्रधानमन्त्री कुनै नेताविशेष वा व्यक्तिका घरमा पुगे त्यो ठूलो घटना मानिन्छ । प्रधानमन्त्री कार्यकारी प्रमुख पद हो । त्यसैले यसको छुट्टै महत्व हुन्छ ।

प्रधानमन्त्री पदमा जो पनि आउँछ जान्छ । प्रधानमन्त्री पद स्थायी हुन्छ । कसैको पेवा हुन्न । तर कम्युनिस्ट नेता केपी ओलीले भने प्रधानमन्त्रीको कुर्सी सधैंका लागि आफ्नो बिर्ता जस्तो ठान्दै आएका छन् ।

त्यही कारण बालुवाटारबाट गलहत्याइएपछि उनमा अहंकार र आक्रोश बढेको छ । नेतामा अहंकार बढ्यो भने त्यसले आफैंलाई क्षति हुन्छ । पार्टीलाई हुन्छ । र, देशलाई हानि पुग्छ ।

दुई दुईचोटि संसद् विघटन गरेर संविधानको धज्जी उडाएका ओली असारमा प्रधानमन्त्रीबाट पदमुक्त भएका थिए । त्यसपछि उनले प्रधानमन्त्री शेरबहादुर देउवालाई बधाईसमेत दिएनन् ।

औपचारिक रूपमा भेटवार्ता पनि गरेनन् । बरु देउवा नै उनलाई भेट्न एमालेको महाधिवेशनमा गए । आफ्नो पार्टी नेपाली कांग्रेसको महाधिवेशनमा बोलाए । आफ्ना विशेष दूत सञ्चारमन्त्री ज्ञानेन्द्रबहादुर कार्कीलाई बालकोट पठाए ।

अन्तिममा शनिबार आफैं ओलीलाई भेट्न उनको निजी निवास बालकोट पुगे । पछिल्लो समय देउवाले सबैको मन जित्दै गएका छन् । प्रधानमन्त्री र कांग्रेस सभापतिसमेत भएका व्यक्ति यत्तिको लचक भएकामा सबैले प्रशंसा गर्न थालेका छन् ।

तर, ओलीले भने शुभेच्छुक घटाउँदै लगेका छन् । उनले म जस्तो ठूलो र बलशाली नेता कोही छैन भन्ने उनको दम्भले नै उनलाई चाँडै रसातलमा लैजाने विश्लेषण हुन थालेको छ ।

प्रधानमन्त्री देउवाले शनिबार ओलीलाई संसद् खोल्न प्रस्ताव गरे । एमसिसी पास गराउन सहयोग मागे । तर, ओलीले यसलाई इन्कार गरेका छन् ।

जसले आगामी निर्वाचनमा एमाले र ओलीले मूल्य चुकाउनुपर्ने अनुमान गर्न थालिएको छ । अबको १० महिनापछि प्रदेश र प्रतिनिधिसभाको निर्वाचन हुने नै छ ।

एक वर्षसम्म संसद् अवरुद्ध गर्ने एमालेको निर्णयलाई कांग्रेसले चुनावमा एजेन्डा बनाउने निश्चित छ । किनभने संसद् नै चलोस् भन्ने नचाहने एमालेलाई किन संसद्मा पठाउने भन्ने एजेन्डा जबर्जस्त रूपमा उठ्ने सम्भावना छ । जुन एमालेकै लागि दुर्भाग्यपूर्ण हुने छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?