काठमाडौं - नेपाली कांग्रेसको महामन्त्रीमा निर्वाचित भएसँगै युवा नेता विश्वप्रकाश शर्माले पार्टीलाई नेतृत्व गर्नसक्ने सम्भावना देखाएका छन् ।

हालै सम्पन्न कांग्रेसको १४औं महाधिवेशनबाट गगन थापासँगै शर्मा महामन्त्रीमा निर्वाचित हुन् । शर्माले महामन्त्रीमा उम्मेदवारी घोषणा सुन्दरीजलस्थिल बिपी कोइराला संग्रहालयबाट गरेका थिए ।

जहाँ बिपीलाई लामो समयसम्म जेलमा राखिएको थियो । उनै बिपी कोइरालालाई जेलमा राखेको माटोलाई छोएर महामन्त्रीमा उम्मेदवारी घोषणा गरेका शर्मा महामन्त्रीमा निर्वाचित भएपछि सुन्दरीजल पुगेर बिपीलाई सम्झेका थिए ।

बिपीले देखेका सपना पूरा गर्ने कसम खाए । यस्तो अहिलेसम्म कांग्रेसका कुनै नेताले गरेका थिएनन् । त्यसपछि शर्मा नेता प्रकाशमान सिंहलाई भेट्न उनको निवास चाक्सीबारी पुगे ।

त्यहाँ पुगेर आफ्नो प्यानलमा राखेर महामन्त्रीमा उम्मेदवार बनाएकोमा आभार व्यक्त गरे । भोलिपल्ट शर्मा काभ्रेको बनेपा पुगे । जहाँ ०६२–६३ को जनआन्दोलनका जिउँदा सहिद मुकेश कायस्थलाई सम्मान गरे ।

परिवारसँग आशीर्वाद मागे । जसले शर्माको राजनीतिक हाइट धेरै बढाएको देखिएको छ । त्यसअघि उनी माओवादी द्वन्द्ववबाट पीडित भएका घाइतेकहाँ पुगेर उनीहरूले देखेका सपना पूरा गर्ने अठोट लिए ।

भुइँमान्छेको सपना पूरा गर्ने कसम खाएकाले पनि विश्वप्रकाशले राज्यको आँखा नपुगेका र उपेक्षामा परेकालाई सम्झेका छन् । त्यसपछि शर्मा कांग्रेस नेता कृष्णप्रसाद सिटौलाकहाँ पुगे । सिटौला सुरुदेखि नै शर्माका आलोचक हुन् ।

झापामा शर्मालाई अघि बढ्न नदिन सिटौलाले मुख्य भूमिका खेलेको आरोप लाग्दै आएको छ । शर्माले झापामा दुई दुई पटक आमनिर्वाचन हार्नुमा सिटौला समूहको असहयोग नै मुख्य कारक रहेको भन्ने गरिन्छ ।

तिनै सिटौलाले १४औं महाधिवेशनमा शर्मालाई महामन्त्रीमा आउन नदिन प्रदीप पौडेललाई महामन्त्रीमा उठाएका थिए । जसकारण संस्थापन पक्षबाट शर्मा महामन्त्रीको उम्मेदवार बन्नबाट वञ्चित भए । त्यसपछि शर्मा प्रकाशमान सिंहको प्यानलमा पुगे र निर्वाचन जितेर आए ।

तर, शर्माले त्यस्तो कुनै वैमनष्य राखेनन् । उनी सिटौलाकहाँ पुगेर आशर्वाद मागे । जसको अहिले चौतर्फी चर्चा भएको छ । शर्माले सोमबारदेखि पार्टीको प्रवक्ताबाट समेत राजीनामा दिने बताएका छन् ।

उनी १३औं महाधिवेशनपछि कांग्रेसको प्रवक्ता नियुक्त भएका थिए । यी सबै कारणले विश्वप्रकाश शर्माले कांग्रेसको नेतृत्व गर्नसक्ने सम्भावना देखाएको विश्लेषण सुरु भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपाको अन्तरद्वन्दका विषयमा काँग्रेस प्रवक्ता शर्माले दिए यस्तो जवाफ

कांग्रेस प्रबक्ता शर्माले भने, ‘चेपाङको घर जलाउने अनि भगवान् रामको मन्दिर बनाउने !’

कांग्रेस प्रबक्ता शर्मा टेलिभिजन कार्यक्रमको प्रस्तोताका रुपमा देखिदै

सञ्चार विभागको बैठकबाट संयोजक विश्वप्रकाश शर्माले गरे यस्तो निर्णय

कांग्रेसले जारी गर्यो नेकपाका प्रवक्ता हराएको सूचना !

कांग्रेसद्वारा सरकार र डा. केसीबीच भएको सहमतिको स्वागत