काठमाडौं – नेपाली कांग्रेसको १४औं महाधिवेशनमा संस्थापनइतर वरिष्ठ नेता रामचन्द्र पौडेल पक्षबाट साझा उम्मेदवार तय गर्न बसेको बैठकमा बबन्डर मच्चिएको छ ।

नेता पौडेलले आफूलाई साझा उम्मेदवारका रूपमा अगाडि बढाउन प्रस्ताव गरेपछि अर्का आकांक्षी प्रकाशमान सिंह आक्रोशित बनेका थिए । सिंहले यसपालि आफू उम्मेदवार भएरै छाड्ने अडान लिएका छन् ।

सिंहले अडान लिएपछि संस्थापनइतर पक्षबाट साझा उम्मेदवार ल्याउने प्रयास असफल भएको छ । नेता डा. शेखर कोइराला र डा. शशांक कोइरालाले पौडेललाई समर्थन गर्न सकिने जनाए पनि सिंहले अडान लिएपछि पौडेल साझा उम्मेदवार बन्न सकेनन् ।

महाधिवेशन उद्घाटन भएपछि शुक्रवार साँझ बत्तिसपुतलीस्थित अनुपम फुडल्यान्डमा पौडेल पक्षको भेला भएको हो ।

पौडेल पक्षमा कुरा नमिल्ने देखेपछि सभापतिका आकांक्षी प्रकाशमान सिंह बैठकस्थलबाट बाहिरिएका स्रोतले जनाएको छ ।

अब संस्थापनइतर पक्षबाट सिंहसँगै रामचन्द्र वा शेखर उम्मेदवार भएर आउने स्रोतको दाबी छ । साझा उम्मेदवार आफू बन्न नसकेको अवस्थामा पौडेल उम्मेदवार नभएर शेखरलाई समर्थन गर्ने सम्भावना समेत रहेको जनाइएको छ ।

संस्थापन पक्षबाट भने सभापति शेरबहादुर देउवा नै पुनः सभापति दोहोरिने भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग