सिटौला पक्षले युवा नेता प्रदीप पौडेललाई अगाडि बढाउने, प्यानलबारे आन्तरिक छलफल हुँदै

मिडिया डबली

शुक्रवार, मंसिर २४ २०७८

4.5K

सिटौला पक्षले युवा नेता प्रदीप पौडेललाई अगाडि बढाउने, प्यानलबारे आन्तरिक छलफल हुँदै

काठमाडौं – सत्तारुढ दल नेपाली कांग्रेसको १४औं महाधिवेशनमा पूर्व महामन्त्री कृष्णप्रसाद सिटौला पक्ष निर्णायक मानिएको छ ।

सिटौला पक्षले जता समर्थन गर्‍यो, त्यतै चुनाव जितिने अवस्था रहेको बताइन्छ । यस्तो बेला सिटौला पक्ष कसको समर्थनमा जाला ? सर्वत्र चासो छ ।

महाधिवेशन उद्घाटन सत्रलाई सम्बोधन गर्दै नेता सिटौलाले आफूले प्रदीप पौडेल जस्ता युवालाई अघि बढाउने घोषणा गरिसके । प्रदीप पौडेल महामन्त्रीको उम्मेदवारका रूपमा चर्चामा छन् ।

सिटौला पक्षले प्रदीप पौडेललाई कुन पक्षमा लगेर उम्मेदवार बनाउँला र सभापतिमा कसलाई समर्थन गर्ला ? सिटौलाले जित्ने सुनिश्चित भएको पक्षमा लागेर प्रदीप पौडेललाई महामन्त्री बनाउने रणनीति लिएको स्रोतले जनाएको छ ।

सभापति शेरबहादुर देउवा र वरिष्ठ नेता रामचन्द्र पौडेल पक्ष यतिबेला सभापतिमा प्रतिस्पर्धा गर्ने तयारीमा छन् । रामचन्द्र पौडेल पक्षबाट साझा उम्मेदवार तय हुन नसकेपनि पौडेल, प्रकाशमान सिंह र शेखर कोइरालाले तयारी गरिरहेका छन् ।

पौडेल नेतृत्वको संस्थापनइतर पक्ष आफैं विभाजित रहेको अवस्थामा सिटौलाले सभापति देउवा पक्षमा लागेर चुनावमा होमिने बताइन्छ । सभापति देउवाको प्यानलमा प्रदीप पौडेललाई महामन्त्री बनाउने सिटौलाको रणनीति रहेको स्रोतले बतायो ।

यसबारे औपचारिक निर्णय गर्न सिटौला पक्ष पार्टी महाधिवेशनको उद्घाटनसत्र सकिएसँगै भृकुटीमण्डप क्षेत्रमा आन्तरिक परामर्शमा जुटेको छ । सिटौलाले आफ्नो पक्षबाट उम्मेदवार हुनेहरूको सूची तयार पारेर सभापति देउवासँग अन्तिम कुराकानी गर्ने तयारी गरेका जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि