काठमाडौं – सत्तारुढ दल नेपाली कांग्रेसको १४औं महाधिवेशनमा महामन्त्री पदका उम्मेदवार गगनकुमार थापाले आजसम्म आफूले सभापतिको उम्मेदवार कोही नपाएको बताएका छन् ।

आज बिहीवार दिउँसो प्रज्ञा प्रतिष्ठान भवनमा महामन्त्री पदको उम्मेदवारी घोषणासँगै पुनर्जागरण र रूपान्तरणका लागि अवधारणापत्र सार्वजनिक कार्यक्रममा थापाले आफ्नो अवधारणाको पक्षमा आउनेलाई समर्थन गर्ने जानकारी दिए ।

महामन्त्रीका उम्मेदवार थापाले भने, ‘आजका दिनसम्म सभापतिमा मेरो कोही उम्मेदवार छैन तर मेरो अवधारणा बोक्न सक्नेलाई सभापतिमा साथ दिने छु ।’

आफू महामन्त्री पदको उम्मेदवार भए पनि सभापतिको उम्मेदवारका साथ मैदानमा आउने बताएका छन् । १४औं महाधिवेशनमा नेतृत्व मात्र चयन हुने भएकाले आफू महामन्त्री भएर गर्ने काम आवधारणाा पत्र ल्याएको बताएका छन् ।

जनताको जीवनमा बदलाव ल्याउन सके आफ्नो राजनीतिक जीवन सफल भएको ठान्ने थापाले बताए । उनले भने, ‘म पार्टीको महामन्त्री हुन्छु हुन्न थाहा छैन । पार्टीको राजनीतिक यात्रा पदीय जिम्मेवारीको हिसाबले कहाँ गएर टुंगिन्छ, त्यो पनि मलाई थाहा छैन । जहाँ गएर टुंगियोस् तर अबको १०–१५ वर्ष पार्टीको क्रियाशील सदस्य भएर काम गर्छु ।’

थापाले अगाडि भने, ‘१०–१५ वर्ष काम गरेर मेरा २०–२१ वर्षका छोरीहरुलाई लिएर काठमाडौं या नेपालका कुनै कुनामा घुम्दै गर्दा परबाट कसैले मायाले जय नेपाल भनेर भन्दियोस् । मलाई यति मात्र भए पुग्छ । त्यहाँ कुनै नेपाली नागरिकले माया र सम्मान दिए पुग्छ । मेरा छोरीहरूलाई लागोस् कि मेरो बा जुन पार्टीमा बसेर काम गरे त्यो कामले कहीँ न कहीँ हामीलाई टेक्ने आधार एउटा बनाइदियो । यति भइदियो भने म आफ्नो राजनीतिक जीवन सफल भएको ठान्नेछु ।’

नेता थापाले प्रज्ञा प्रतिष्ठानमा भरिभराउ भीडमा आफ्नो अवधारणा सार्वजनिक गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण