संस्थापन इतर पक्षबाट यी हुँदैछन् सभापतिको साझा उम्मेदवार घोषणा, भित्रभित्रै यस्तो तयारी

मिडिया डबली

बिहिवार, मंसिर २३ २०७८

4.4K

संस्थापन इतर पक्षबाट यी हुँदैछन् सभापतिको साझा उम्मेदवार घोषणा, भित्रभित्रै यस्तो तयारी

काठमाडौं - नेपाली कांग्रेसको संस्थापनइतर समूहले पार्टीको केन्द्रीय समिति बैठकपछि मात्रै सभापतिको साझा उम्मेदवार घोषणा गर्ने भएको छ ।

नेपाली कांग्रेसका सभापति शेरबहादुर देउवाले आज केन्द्रीय समिति बैठक बोलाएका छन् । सो बैठकपछि मात्रै इतर समूहले साझा उम्मेदवार घोषणा गर्ने तयारी गरेको छ ।

बत्तीसपुतलीस्थित अनुपम फुडल्यान्डमा बिहीबार बिहान ८ बजेखि बसेको संस्थापन इतर समूहको बैठकले सभापतिको साझा उम्मेदवार तय गर्न भने सकेन । यद्यपि नेताहरू आफ्नो समूहबाट एकल उम्मेदवार तय हुन्छ भन्दै हिँडेका छन् । बैठकले नेता रामचन्द्र पौडेललाई सभापतिको उम्मेदवार बनाउने भित्री सहमति गरे पनि त्यसलाई सार्वजनिक गरेको भने छैन ।

आजको बैठकमा सभापतिका अर्का आकांक्षी शेखर पनि साझा उम्मेदवार घोषणा गर्ने विषयमा लचक भएका छन् । उनले बैठकमा प्रकाशमान सिंहले माने आफू रामचन्द्र पौडेललाई मान्न तयार रहेको संकेत गरेको बैठकमा सहभागी एक नेताले बताए । तर, प्रकाशमान भने कुनै पनि हालतमा सभापतिको उम्मेदवार बन्ने अडानमा छन् ।

इतर समूहले केही दिनयता सभापतिको साझा उम्मेदवार तय गर्ने प्रयास जारी राखेको छ। मंगलबार र बुधबार लगातार छलफल गरे पनि आकांक्षीहरूबीच सहमति जुट्न सकेको छैन । वरिष्ठ नेता रामचन्द्र पौडैलसहित शेखर कोइराला, प्रकाशमान सिंह र शशांक कोइराला इतरपक्षबाट सभापतिका आकांक्षी छन् ।

यद्यपि महामन्त्री शशांक कोइरालाले मंगलबारको बैठकमै पौडेलका लागि सभापतिमा आफूले दाबी छाड्ने बताइसकेका छन् तर त्यसका लागि प्रकाशमान र शेखरबीच सहमति हुनुपर्ने उनको अडान छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि