डा. शेखर कोइरालाको गृहजिल्लामा यी बने कांग्रेस सभापति
डा. शेखर कोइरालाको गृहजिल्लामा यी बने कांग्रेस सभापति
काठमाडौं – सत्तारुढ दल नेपाली कांग्रेसको १४औं महाधिवेशन अन्तर्गत भएको जिल्ला अधिवेशनबाट नेता डा. शेखर कोइरालाको गृहजिल्ला मोरङमा डिगबहादुर लिम्बु जिल्ला सभापति निर्वाचित भएका छन् ।
प्रतिस्पर्धी दिलिप गच्छदारलाई ४८१ मतले हराउँदै लिम्बु दोस्रो कार्यकालका लागि जिल्ला सभापति पदमा विजयी भएका छन् ।
निर्वाचन परिणामअनुसार लिम्बुले १ हजार ९०६ मत ल्याउँदा प्रतिद्वन्द्वी गच्छदारले १ हजार ४२५ मत पाएका छन् ।
मंगलवार दोस्रो चरणमा भएको जिल्ला सभापति पदको निर्वाचनमा सभापति लिम्बु निर्वाचित भएका छन् । यसअघि आईतवार भएको पहिलो चरणको निर्वाचनमा सभापति पदका ३ प्रत्याशीमध्ये कसैले पनि ५१ प्रतिशत मत ल्याउन नसकेपछि मंगलबार दोस्रो चरणको चुनाव भएको थियो ।
निर्वाचित लिम्बु यसअघि समेत पार्टीको मोरङ जिल्ला सभापति रहेका थिए । उनी २०७२ माघ २५ गते पहिलोपटक जिल्ला सभापति पदमा चुनिँदा सभापति शेरबहादुर देउवा पक्षबाट चुनाव जितेका हुन् तर विगत ३ वर्षदेखि लिम्बु कोइराला पक्षमा लागेका छन् ।
सभापतिमा लिम्बुलाई जिताउन केन्द्रीय सभापतिका उम्मेदवार रहेका डा. शेखर कोइराला, रक्षामन्त्री डा. मीनेन्द्र रिजाल र केन्द्रीय सदस्य महेश आचार्य विराटनगरमै रहेका थिए ।
अर्का उम्मेदवार गच्छदारलाई जिताउन पार्टीका केन्द्रीय सदस्य अमृत अर्याल र राष्ट्रियसभा सदस्य रमेशजंग रायमाझी खटिएका थिए ।
जिल्ला कार्यसमितिका अरु पदाधिकारी र सदस्यहरूको मतगणना जारी रहेकोे मोरङ कांग्रेसले जानकारी दिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४