चुनावमा अनौठो नतिजा : कांग्रेसका ठूलै केन्द्रीय नेता मिल्दा पनि हार ! यो पक्षले जित्यो
चुनावमा अनौठो नतिजा : कांग्रेसका ठूलै केन्द्रीय नेता मिल्दा पनि हार ! यो पक्षले जित्यो
काठमाडौं – चुनावमा कहिलेकाहीँ अनपेक्षित परिणाम आउन सक्छ । नेपाली कांग्रेसको महाधिवेशनअन्तर्गत नवलपुरमा भएको प्रतिनिधिसभा क्षेत्रीय अधिवेशनको निर्वाचनमा त्यस्तै भएको छ ।
कांग्रेस महामन्त्री डा. शशांक कोइरालाको गृहजिल्लामा महामन्त्री र सभापति शेरबहादुर देउवा पक्षबीच चुनावी तालमेल भएको थियो भने वरिष्ठ नेता रामचन्द्र पौडेल पक्ष एक्लै चुनावमा भिडेको थियो ।
कोइरालाको गृहजिल्ला भएका कारण र देउवाको समर्थन पाएका कारण कोइराला पक्षले नै चुनाव जित्ने अनुमान थियो । तर परिणाम अर्कै आयो । केन्द्रीय कार्यसमितिका ठूलै नेता सभापति देउवा र महामन्त्री कोइरालाबीच चुनावी तालमेल हुँदा पनि हार व्यहोर्नुपर्यो । तर पौडेल पक्षले एक्लै चुनाव जित्यो ।
नवलपुरको १ नम्बर निर्वाचन क्षेत्रमा पौडेल पक्षका उम्मेदवार विजयी भएका छन् भने २ नम्बर क्षेत्रमा बराबर मत आएको छ ।
१ नम्बर क्षेत्रमा पौडेल पक्षका अमृत भट्टचनले जितेका छन् भने देउवा–कोइराला पक्षका कमलप्रसाद पंगेनी हारेका छन् । जितेका भट्टचनले ६७० मत ल्याउँदा हारेका पराजुलीको पक्षमा ४४७ मत मात्रै रहेको छ । सचिव र सहसचिव पदमा दुबै प्यानलका १–१ जना निर्वाचित भएका छन् ।
२ नम्बर क्षेत्रमा सभापति पदका दुवै पक्षका उम्मेदवारले बराबर मत ल्याएका छन् । पौडेल पक्षका सूर्य गुरुङ र देउवा–कोइराला पक्षका जगत कार्कीले बराबर ३९४ मत ल्याएका छन् । मत बराबर भएपछि सभापतिको टुंगो लगाउन विषयमा छलफल भइरहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४