कांग्रेसभित्र एक्लो परेका रामचन्द्र पौडेल नेताहरूको दैलो धाउँदै
कांग्रेसभित्र एक्लो परेका रामचन्द्र पौडेल नेताहरूको दैलो धाउँदै
काठमाडौं – नेपाली कांग्रेसको १४औं महाधिवेशन नजिकिँदै गर्दा आन्तरिक राजनीति उत्कर्षमा पुगेको छ ।
महाधिवेशनमा पार्टी सभापति तथा प्रधानमन्त्री शेरबहादुर देउवालाई चुनौती दिने मनसायले आफ्नो गुट बलियो बनाउन खोजिरहेका वरिष्ठ नेता रामचन्द्र पौडेल एक्लो परेका छन् ।
पौडेलको टीमका नेता प्रकाशमान सिंह, शशांक कोइराला, शेखर कोइराला लगायतले छुट्टाछुट्टै उम्मेदवारी घोषणा गरिसकेका छन् । एक्लो परेका बेला पौडेल नेताहरूको दैलो धाउन थालेका छन् ।
पौडेल बिहीवार साँझ अकस्मात नेता प्रकाशमान सिंहको घर पुगेका छन् । नेता पौडेलको भेलालाई बहिष्कार गर्दै सभापति पदमा प्रचारप्रसार पारेका सिंहलाई भेट्न सिंहकै निवास ठमेलको चाक्सीबारी पुगेका हुन् पौडेल ।
सिंहलाई भेटेर नेता पौडेलले आफूलाई सभापतिमा सहयोग गर्न आग्रह गरेका छन् । तर सिंहले मान्ने कुनै सम्भावना देखिँदैन ।
नेता सिंहले पौडेललाई सभापतिमा सहयोग गर्न नसकिने भन्दै जवाफ दिँदै उल्टै आफूलाई सहयोग गर्न आग्रह गरेका छन् ।
आसन्न महाधिवेशनमा पौडेल र सिंह दुवै सभापति पदका दाबेदार रहेका छन् । सिंहले सभापतिबाट आफू ‘ब्याक’ नहुने स्पष्ट पारेका छन् । पौडेल पक्षबाट आफू सर्वसम्मत र साझा उम्मेदवार भए मात्रै आफू पौडेल पक्षमा आउने समेत बताएका छन् ।
सिंहको दैलोमै पुग्दा समेत नेता पौडेलले आफ्ना पक्षमा समर्थन जुटाउन सकेनन् । अर्काेतिर सभापति शेरबहादुर देउवाले बिमलेन्द्र निधिबाहेक आफ्नो टीमलाई बलियो बनाउँदै महाधिवेशनको तयारी गरिरहेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४