महाधिवेशन खर्चका लागि कम्तीमा १०० रुपैयाँ माग्दै नेकपा एमाले, यो हो खाता नम्बर

मिडिया डबली

बुधवार, कार्तिक २४ २०७८

3.4K

महाधिवेशन खर्चका लागि कम्तीमा १०० रुपैयाँ माग्दै नेकपा एमाले, यो हो खाता नम्बर

काठमाडौं – प्रमुख प्रतिपक्षी दल नेकपा एमालेले आगामी महाधिवेशनको खर्च जुटाउन पार्टी सदस्यलाई १०० रुपैयाँ पार्टीको खातामा जम्मा गर्न आह्वान गरेको छ ।

आज बुधवार ललितपुरस्थित तुलसीलाल स्मृति प्रतिष्ठान भवनमा बसेको एमाले १०औं राष्ट्रिय महाधिवेशन मूल व्यवस्थापन कमिटीको बैठकले पार्टीको महाधिवेशनका लागि सबै सदस्यलाई १०० रुपैयाँ पार्टीको खातामा जम्मा गरिदिन अपिल गर्ने निर्णय गरेको छ ।

एमालेले राष्ट्रिय वाणिज्य बैंक टेकु शाखामा १७–००१००००११५९००१ नम्बरको चल्ती खातामा रकम पठाउन आह्वान गरेको छ । खातामा सबै पार्टी सदस्यहरुले महाधिवेशनको खर्चका लागि मोबाइलमार्फत् वा बैंकको खातामा कम्तीमा १०० रुपैयाँ पैसा जम्मा गर्न अपिल गरेको पार्टीका प्रचार विभाग प्रमुख योगेश भट्टराईले बताएका छन् ।

एमालेले पार्टीको महाधिवेशनमा चन्दा नउठाउने निर्णय गरेको बताएको थियो । प्रचार विभाग प्रमुख भट्टराईले एमालेसँग हाल करीब ७ लाख ३० हजार पार्टी सदस्य रहेका र सबैले कम्तीमा १०० रुपैयाँ दिए ७ करोड ३० लाख रुपैयाँ संकलन हुने बताए ।

बैठकले पार्टीको महाधिवेशनसम्बन्धी सम्पूर्ण कार्ययोजना परिमार्जनसहित पारित गरेको छ । जसअनुसार मंसिर १० गते राष्ट्रिय महाधिवेशनको उद्घाटन अपराह्न १२ बजे चितवनको नारायणगढस्थित नारायणी नदी किनारमा रहेको विशाल मैदानमा अध्यक्ष केपी शर्मा ओलीले गर्ने तय भएको छ ।

उद्घाटन कार्यक्रममा देशभरका पार्टीको शुभचिन्तक र समर्थकहरु सहभागी हुने एमालेले जानकारी दिएको छ ।

बैठकले कात्तिक ३० गतेभित्र महाधिवेशनका लागि चयन भएका प्रतिनिधिहरुको सम्पूर्ण विवरण पार्टीको केन्द्रीय कार्यालयमा बुझाउन समेत सम्बन्धित कमिटीलाई निर्देशन दिएको छ । एमालेले कात्तिक २७ गते देशभर एकैसाथ प्रतिनिधि छनोट गर्ने कार्यतालिका सार्वजनिक गरेको छ ।

महाधिवेशनमा देशभरका १ हजार ९९९ प्रतिनिधि सहभागी हुने जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि