काठमाडौं – नेकपा एमाले विभाजित भएर नेकपा एकीकृत समाजवादी गठन भइसक्दा समेत पार्टीभित्रको विवाद सकिएको छैन । एमालेभित्र अझै पनि थुप्रै असन्तुष्टि र विवाद देखिएका छन् ।

यसैक्रममा नेकपा एमाले सुनसरी जिल्ला कमिटीको बैठकमा झण्डै कुटाकुटको अवस्था सिर्जना भएको छ ।

आज बुधवार इनरुवामा बसेको जिल्ला कमिटी बैठकमा २०७५ जेठ २ गतेअघिका रमेश बस्नेत र पछिल्लो समय अध्यक्षको जिम्मेवारी पाएका रेवतीरमण भण्डारी गुटबीच अध्यक्षता गर्ने विषयमा विवाद भएको हो ।

विवाद बढेपछि इटहरीका मेयर द्वारिकलाल चौधरीले बीचमा आफू अध्यक्ष भएको दाबी गर्दै माइक खोसेपछि कार्यकर्ताले झम्टिएका थिए । त्यसपछि द्वारिकलाल लगायतको भागाभाग मच्चिएको स्रोतले जनाएको छ ।

रेवती र रमेश पक्षबीच विवाद भएपछि खेमराज पोखरेललाई अध्यक्षता गर्न दिने समझदारी भयो तर पोखरेलले बोल्ने क्रममा इटहरी उपमहानगरपालिका मेयर द्वारिकलालले माइक खोसेका थिए ।

चौधरीले माइक खोसेपछि केही समय विवाद भएपनि बैठकले खेमराज पोखरेलको अध्यक्षतामा जिल्ला सम्मेलन आयोजक समिति गठन गरेको छ ।

बैठकमा एमाले सचिव तथा १ नम्बर प्रदेशका निवर्तमान मुख्यमन्त्री भीम आचार्य समेत सहभागी रहेका थिए । बैठकमा विवाद भएपछि जिल्ला इन्चार्ज धर्म निरौलाले बैठकको अध्यक्षता गरेर सम्मेलन आयोजक कमिटी गठन गरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

एमाले नेताहरू आपसमै लड्न थाले, अदालतसम्म पुग्यो मुद्दा

माओवादी केन्द्रको स्थायी कमिटी बैठक सकियो, नेपाली कांग्रेस र एमालेबारे यस्तो निर्णय

एमाले र जसपाको नयाँ सरकार बनाउन दुबै पार्टीका यी ५ नेताहरूलाई जिम्मेवारी, यस्तो गोप्य प्लान

केपी ओलीलाई धक्का लाग्ने गरी जसपाले गर्‍यो खुला निर्णय, होला त प्रचण्डलाई फाइदा ?

प्रचण्डले केपी ओलीको त्यो गोप्य ‘प्लान’ थाहा पाएपछि ...

नयाँ सरकारमा एमाले र जसपाबीच यसरी हुँदैछ भागबण्डाको टुंगो