काठमाडौं - यतिबेला नेपाली कांग्रेसको १४औं महाधिवेशनअन्तर्गत हिमाली जिल्लामा जिल्ला अधिवेशन धमाधम भइरहेका छन् ।

अहिलेसम्म १४ वटा जिल्लाका अधिवेशन सम्पन्न भइसकेका छन् । जिल्ला अधिवेशनमा १३औं महाधिवेशनकै जस्तो नतिजा आइरहेको छ । संस्थापन पक्ष र इतर पक्षबीच नै प्रतिस्पर्धा देखिएको छ । 

संस्थापन सभापति शेरबहादुर देउवा पक्षभन्दा वरिष्ठ नेता रामचन्द्र पौडेल पक्ष जिल्ला सभापतिले बाजी मारिरहेका छन् । तर, केन्द्रीय महाधिवेशनमा भने नेता पौडेललाई ठूलै धक्का लाग्ने जस्तो देखिएको छ । किनभने महाधिवेशनको मुखैमा उनी निकट नेताहरूले धमाधम साथ छाडेकाले पौडेलको सभापतिको उम्मेदवार बन्ने चाहनामाथि तुषारापात लाग्ने देखिएको हो ।

केही अगाडिसम्म पौडेल पक्षले सभापतिको साझा उम्मेदवार तय गर्ने घोषणा गरेको थियो । पार्टी कार्यालय सानेपामै पत्रकार सम्मेलन गरेर पौडेलले आफू नै सभापतिको उम्मेदवार हुने संकेत गरेका थिए । पत्रकार सम्मेलनमा डा.शशांक कोइराला र प्रकाशमान सिंहलगायत पौडेल पक्षका प्रभावशाली नेता सहभागी थिए । तर, अहिले कांग्रेस राजनीतिमा धेरै उतारचढाव देखिइसकेको छ । 

प्रकाशमान सिंहले अब आफू नै सभापतिको उम्मेदवार बन्ने घोषणा गरिसकेका छन् । त्यहीअनुसार उनले पार्टी नेता कार्यकर्तासँग भेटघाट तीव्र बनाएका छन् । उनले सधैं देउवा र पौडेल मात्रै सभापतिका उम्मेदवार बन्ने, गणेशमान सिंहकै छोरा भएकाले आफूले कुर्बानी मात्रै गर्नुपर्ने भन्दै असन्तुष्टि व्यक्त गरिसकेका छन् ।

त्यसमाथि नेतृ सुजाता कोइरालाको घोषणाले पौडेलको चाहनामा पानी खन्याइदिएको छ । मन्त्री बन्न नपाएकी कोइरालाले अब आफूले पौडेल र शशांक कोइराला दुवैलाई साथ नदिने घोषणा गरिसकेकी छन् । सुजाताको यो घोषणाले देउवा पक्षमा खुसियालीको माहोल छाएको छ । किनभने महाधिवेशनअघि नै पौडेल पक्ष छिन्नभिन्न भएकाले सजिलै फेरि सभापति जित्ने बुढानिलकण्ठको अपेक्षा छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग