प्रचण्डलाई थर्काउन केपी ओलीको यस्तो छ भित्री रणनीति !
प्रचण्डलाई थर्काउन केपी ओलीको यस्तो छ भित्री रणनीति !
काठमाडौं - एमाले अध्यक्ष केपी ओलीले पूर्वमाओवादीलाई फकाउने, पुष्पकमल दाहाल 'प्रचण्ड'लाई पेल्ने रणनीति बनाएका छन् । पूर्वमाओवादी नेता रामबहादुर थापा बादलको डिजाइनअनुसार ओलीले प्रचण्डमाथि प्रहार गर्न छाडेका छैनन् ।
एमाले विधान महाधिवेशनमा प्रस्तुत गरेको राजनीतिक प्रतिवेदनमा पनि ओलीले प्रचण्डलाई विभिन्न आरोप लगाएका छन् भने माओवादीप्रति नरम भाषा प्रयोग गरेका छन् ।
ओलीको रणनीति भनेका आगामी चुनावमा माओवादी नेता कार्यकर्तालाई फकाएर भोट एमालेमा आकर्षित गर्नु हो । ओलीलाई यस्तो सुझाव दिनेमा बादल र लेखराज भट्टले सुझाव दिएको बताइन्छ ।
तर माओवादी छाडेर एमाले गएका टोबहादुर रायमाझी र प्रभु साह नै अहिले निष्क्रिय बसेपछि ओलीको रणनीतिमा ठूलै धक्का लागेको छ । रायमाझी एमाले विधान महाधिवेशनमा सहभागी भए पनि त्यति सक्रियता देखाएका छैनन् ।
प्रभु साहले भने एमाले विधान महाधिवेशन नै बहिष्कार गरेका छन् । साह पक्षका अधिकांश कार्यकर्ता सहभागी भएका छैनन् । यसले गर्दा आगामी दिनमा रायमाझी र साह पूर्वपार्टीमै नफर्केलान् भन्न सकिने अवस्था छैन । किनभने रायमाझी र साह माओवादीमै फर्के भने चुनाव जित्ने सम्भावना बढी छ ।
ओली माधव नेपालले एकीकृत समाजवादीमा लगेका एमालेको क्षतिपूर्ति माओवादीबाट भर्न चाहन्छन् । उनलाई पूर्वमाओवादीको भोट र जनमत चाहिएको छ । त्यसैले उनी माओवादी आन्दोलनले उठाएका सकरात्मक एजेन्डा र उपलब्धिहरूको जस लिन खोजिरहेका छन् ।
ओलीको यो रणनीति थाहा पाएपछि प्रचण्ड निकै आक्रमक भएका छन् । उनले एमालेले माओवादी नेता कार्यकर्तामाथि हिट गर्न खोजेको भनेर सशक्त प्रतिवाद गर्न कार्यकर्तालाई निर्देशन दिइसकेका छन् । त्यसैले आगामी निर्वाचनमा एमाले र माओवादीबीच ठूलै भिडन्त हुने खतरा छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४