लुम्बिनीमा आजै मुख्यमन्त्रीसँगै यी बन्दैछन् मन्त्री, कुन पार्टीबाट को–को ?

मिडिया डबली

बिहिवार, श्रावण २८ २०७८

5.5K

लुम्बिनीमा आजै मुख्यमन्त्रीसँगै यी बन्दैछन् मन्त्री, कुन पार्टीबाट को–को ?

काठमाडौं – मुख्यमन्त्री शंकर पोखरेलले राजीनामा दिएपछि लुम्बिनी प्रदेशमा विपक्षी गठबन्धनले नेकपा माओवादी केन्द्रका संसदीय दलका नेता कुलप्रसाद केसीलाई मुख्यमन्त्री बनाउन बहुमतसहित दाबी पेश गरेको छ ।

प्रदेश सभाको बहुमत अर्थात् ४२ सांसदको हस्ताक्षरसहित विपक्षी गठबन्धनले प्रदेश प्रमुख अमिक शेरचनसमक्ष दाबी पेश गरेको छ ।

लुम्बिनीमा विपक्षी गठबन्धनको बहुमत रहेकाले बिहीवार नै नयाँ सरकार बन्ने छ । मुख्यमन्त्रीमा नियुक्त भएलगत्तै केसीले सानो आकारको मन्त्रिपरिषद् विस्तार गर्ने स्रोतले जनाएको छ ।

मन्त्रिपरिषद्मा पहिलो चरणमा कांग्रेसबाट दाङका सांसद डिल्लीबहादुर चौधरी र जसपाबाट कपिलवस्तुका सहश्राम यादव मन्त्री बन्ने सम्भावना रहेको जनाइएको छ ।

कांग्रेसका चौधरीले आन्तरिक मामिला तथा कानून मन्त्रालय र यादवले भौतिक पूर्वाधार तथा विकास मन्त्रालयको जिम्मेवारी पाउने स्रोतले जनाएको छ ।

माओवादी केन्द्रबाट दाङकी दामा शर्मा र इन्द्रजित चौधरी तथा सुदर्शन बराल मन्त्री बन्ने चर्चा रहेको छ । बराल पूर्व सामाजिक विकासमन्त्री समेत हुन् ।

कांग्रेसबाट वीरबहादुर राना, निर्मला क्षेत्री र रमा अर्यालको नाम समेत मन्त्री बन्ने चर्चामा रहेको छ ।

जनता समाजवादी पार्टीबाट तीनै जना सांसद मन्त्री बन्ने निश्चित भएको छ । संसदीय दलका नेता सहश्राम यादव पहिलो चरणमै मन्त्री बन्ने भएका छन् भने बर्दियाकी सुमन शर्मा रायमाझी र पाल्पाकी पुरमति ढेंगा विश्वासको मत पाएपछि मन्त्री बन्ने भएका छन् । ३ जनामध्ये २ जना विना विभागीय मन्त्री बन्ने सहमति भएको स्रोतले जानकारी दिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि